حب بالصدفه الفصل الاول 1 و الثاني 2

رواية حب بالصدفة يامن ومي الفصل الاول 1 و الثاني 2
في قاعة جوا اوتيل فخم جدا بيحضروا فرح اقرب اتنين ليهم وكل الناس مبسوطة الا هو .. بيبصلها بضيق و خنقة .. هي مي الهاشم .. بنت جميلة وطيبة اوي عندها ٢١ سنة في كلية الصيدلة .. هو يامن شهاب .. عنده ٢٩ سنه بيشتغل دكتور جراح ومعروف عنه انه من اشطر الجراحين في مصر .. كانت واقفه بتضحك وبتهزر مع اصحابها و كل العيون عليها منبهرين بجمالها وحيوايتها ومرحها .شوية و العروسة شدتها وفضلوا يرقصوا و ده لفت انتباه الناس ليها اكتر ..
حس انه خلاص مبقاش قادر يتحمل قام يغضب وشدها وخرجوا برا الاوتيل خالص ..

مي پغضب انت ازاي تشدني كده يا حيوان انت .. 
يامن قفل ايده پغضب احترمي نفسك وانتي بتتكلمي مع جوزك .. مش كفاية الارف اللي انتي لبساه ده كمان عمالة تضحكي و ترقصي .. انا مش فاهم انتي هتتلمي وتبقي محترمة امتي بقي ..
مي بصوت عالي انا محترمة ڠصب عنك وبعدين الفستان عادي جدا و فيه بنات جوا لابسة نفس الاستايل واقصر كمان .. 
يامن مسك دراعها پغضب انا مليش دعوة بكل ده .. انا ليا دعوة بمراتي اللي مكتوبة علي اسمي يا مدام .. يلا اتفضلي عشان نمشي ..
مي انا مش همشي واسيب اختي في يوم زي ده .. والمفروض ان انت كمان تقف مع اخوك وتفرحله مش قاعد مكشر و وشك لوح ازاز .. 
مي مشيت من قدامه ودخلت القاعة تاني .. أما هو كان هيتجنن مش عارف أزاي يتعامل مع القطة الشرسة دي .. اتنهد وقلع الجاكت بتاعة ودخل لقاها قاعدة علي الكرسي بضيق .. حط الجاكت عليها و سحبها وخرجوا برا المكان و ركبها العربية بالعافيه ومشيوا ..
كانت طول الطريق متعصبة وباصه قدامها بتكشيرة .. شوية و وصلوا شقتهم اللي كانت مي مختارة كل حاجه فيها هادية و رقيقة اوي .. 
يامن اول ما دخلوا الشقه عارفه لو لبستي الفستان ده تاني هعمل فيكي ايه ..
مي اتوترت علي فكرة الفستان عادي جدا .. انت اللي اوفر و مش فاهمه ليه ..
يامن بص في عنيها اكنر وده زاد من توترها عشان انتي مراتي .. للأسف اسمك علي اسمي والفستان ده مفروض ولولا اني مش عايز فضايح ولا حابب ابوظ فرح اخويا واختك كنت أتصرفت بطريقه تانيه خالص ..
يامن مينفعش ليه 
مي دخلت اوضتها 
غيرت هدومها ونامت وصحيت تاني يوم بتبص في الساعة اتخضت ..
مي يالهوي اتاخرت علي الكلية .. أما البس عشان الحق المحاضرة الأولي .. 
قامت غسلت وشها وغيرت هدومها وخرجت من اوضتها .. اتفاجئت ب يامن قاعد علي السفرة بيفطر و كان لابس بدلة زتوني لايقه عليه اوي .. سرحت ل ثواني وبعدين فاقت علي صوته وهو بيقولها .. 
يامن ببرود رايحه فين كده ..
مي احم رايحه الكلية .. سلام بقي .. 
يامن بص علي لبسه 
يامن بعصبيه و انتي رايحه الكلية باللبس ده .. انتي رايحه كلية 
مي باستغراب عادي يعني .. ما كويس اهو ..
يامن اسمعي بقي يا تدخلي تغيري المسخرة دي وتلبسي حاجة عدلة يا اما و ديني ما انتي خارجة من البيت ..
مي اووف بقي انا زهقت منك ومن طريقتك دي .. كل حاجة البسها تقعد تعمل مشاكل كده .. و 
يامن قاطعها وقال سمعتي انا قولت ايه .. يلا اتفضلي