حبي الوحيد اياد ومريم الفصل الخامس

رواية حبي الوحيد اياد ومريم الفصل الخامس 5
إياد بدموع : بالله عليكي اتصرفى مريم لو عرفت إن البيبي ممكن ينزل مش هتستحمل
الدكتوره : انا هستمر معاها جلستين بس صدقني لو لقيت مضاعفات اكتر من كده مفيش حل غير أنه ينزل مدام مريم حالتها خطړ جدا لانها فى أواخر مرحله وان ربنا نجاها منها دي هتكون معجزه والله الله المستعان
إياد : هي خلصت الجلسه 
الدكتوره : اه تقدر تاخدها وتروح بس لازم رعايه كفايه لأن دلوقتي هي تعبانه جدا
إياد بحزن : حاضر 
دخل جوه شاف مريم كان باين عليها التعب والارهاق والحزن وهي كانت ساكته

إياد : يلا نروح
دخلوا البيت وكريمه سندتها دخلتها الاوضه وجابت الاكل بسرعه والعلاج وجت علشان تلحقها
مريم : مش جايلى نفس ياماما
كريمه بحب : ياااااه يامريم ياما كان نفسي اسمع كلمة ماما منك دي قوليها علطول 
مريم بابتسامه باهته : حاضر 
كريمه : يلا كلى بقا علشان تخفى 
بعد مرور شهر كان مفيش أحداث تذكر غير أن مريم علطول تروح تعمل الجلسات وشعرها ابتدي يقع واسنانها توجعها وعضمها والحمل مش ثابت وتعبانه جدا
ونيرمين ساكته ومستحمله على أمل أن مريم ټموت وهي تاخد كل حاجه وإياد بيحاول يتجنب الكلام معاها علشان متطلبش الطلاق تانى
إياد بدموع : مريم بتروح مني وانا مش عارف اعمل حاجه يامروان أنا لأول مره احس ان عاجز اوى كده
مروان بزعل مصطنع : امسك نفسك يا إياد مش كده احنا دايما بناخد القوه منك وبعدين ماهي نيرمين موجوده وهتعوضك ال انت فيه
إياد بعصبيه : انت مچنون هو فى حد يعوض مكان حد 
مروان بدهشه : هو انت حبيت مريم 
إياد بحزن : معرفش والله ماعرف أنا لأول مره مش حاسس بمشاعر ناحية نيرمين مش عايز اكون معاها فى مكان واحد انما مريم مش عايز اسيبها ابدا
مروان پصدمه : نعمممم هتسيب نيرمين حب حياتك علشان مريم ال عمرك مافكرت تحبها ابدا وهى كانت علطول قدامك
إياد : بس انا حاسس ان فى دوامه مش عايز أقرر دلوقتي 
مروان : إنسا دلوقتي ال فى دماغك ده ال من ناحيتك لمريم شفقه وولي فاهم
إياد : لاء لاء مش شفقه
مروان : اسمع مني بقا خليك ماشى ورا قلبك وسيبك من عقلك ال هيوديك فى داهيه متضيعش نيرمين من ايدك
إياد بص لمروان بشك لأن مستغرب هو ليه بيدافع عن نيرمين
مروان بعصبية : افهمي بقا وركزي فى ال أنا قولته ده