دار الايتام
رواية دار الايتام الفصل الرابع 4
ام حمزه بدموع يلا ي ابني وطلعت معاه وكانت ليندا لسه وقفه كانت لسه بتستوعب كل كلمه قالها حمزه
ليندا حمزه
حمزه انتي لسه هنا قولتلك امشي
ليندا قربت منه وقالت عايزني امشي ازاي وانا روحي هنا تحب اسيب روحي وامشي يعني
حمزه لا خوديها معاكي وامشي يلا
ليندا بس انت روحي معنى كده انك لازم تاجي معايا
حمزه امشي ي ليندا انا بقيت مش انفعك انا واحد عاجز
ليندا متقولش كده انت هتخف وهتبقا كويس
حمزه هو انتي مش كنتي عايزه تسبيني وسمعتي كلام امي وبعدتي عني سبيني بقا واهو جتلك الفرصه اهي بما اني عاجز ومتخليش اقول كل شويه عاجز عاجز علشان بتوجعني اوووي وبتخليني احس قد اي أنا فعلا عاجز عاجز عن اني كنت سند ل أمي وشغلي اللي كنت بحبه حتي البنت اللي بحبها بقيت مش انفعها حتي بقيت عاجز عن عني اعمل اي حاجه ل نفسي وبدل ما كنت سند للي يحتاجني بقيت عايز اللي يسندني
حمزه وحتي لو رجعت امشي تاني انتي هتسبيني ف امشي من دلوقتي متحسسنيش انك جانبي بس لمجرد اني تعبان وبتشفقي عليا
ليندا ومين قالك الكلام ده هو انا مش قولتلك انك روحي ومش همشي واسيب روحي انت مش عارف انا حسيت ب اي لمجرد اني سمعت خبر الحاډثه انا روحي كانت ريحه مني ورجعت تاني ليا لما شوفتك قدامي كويس حتي لو مش هتقدر انك تمشي بس كفايه انك تكون جانبي انت الوحيد اللي حبتني وكنت سند ليا وهتفضل سندي وحمايتي انا مليش غيرك انت اهلي وعائلتي ومن غيرك فعلا انا يتيمه وبنت جايه من دار الايتام بس بيك انت اهلي وعائلتي انت حبيبي مقدرش ابعد عنك
ليندا حقها ي حبيبي ترفضني بس انت حقي انا ومش هسيبك وبعدين أنا هكون جانبك وهكون جانبها ومع الوقت هيا اللي هتجوزنا ل بعض انا عندي امل وثقه في ربنا أنه هيشفيك وهتقوم تاني وتمشي وبعدها امك هتاجي وتقولي اتجوزي ابني وبعدين سيبك بقا من كل الكلام ده انت وحشتني اووي اي انا مش وحشتك يعني
حمزه وحشتيني ي حبيبتي انا بحبك
ليندا وانا بحبك وبعدين تعال هنا هان عليك تسبني يوم كامل من غير ما تكلمني ولا اسمع صوتك
حمزه لا ي حبيبتي عمرك ما تهوني عليا
وفجاه وهما بيتكلموا دخلت عليهم الممرضه
الممرضه ابعدي ي انسه خليني اشوف شغلي
ليندا تمام
