دعني احطم غرورك

حسابك معايا مخلصش وانتي ابتديتي والباديأظلم ................... !!!
.....................
وفي فيلا يوسف الكيلاني 
كان كلا من يوسف وزوجته عايدة يجلسان سويا يتناقشان و...
عايدة مستفهمة يعني البنات حلوين يا يوسف
يوسف منبهرا جداااااا يا ديلة زي القمر لأ دول يقولوا للقمر قوم وأنا أعد مطرحك
عايدة متسائلة بس تفتكر عز هيوافق يخطب واحدة فيهم
يوسف أنا هفضل وراه وهو حد يضيع فرصة زي دي دينا زي القمر وابوها حسين صاحبي من أحسن رجال الأعمال 
عايدة بقلق بس انا عارفة عز ابني مش هتعجبه أي واحدة ده أنا غلبت أتحايل عليه عشان يخطب دارين بنت صاحبتي وهو رافض الموضوع تماما 
يوسف دارين ايه بس يا ديلة ماهي كانت قدام عينيه من زمان وتقريبا متربين سوا يعني لو كان عاوزها كان زمانه خطبها مش بعيد كان اتجوزها وبعدين بصي أنا جسيت نبضه ان كان في واحدة كدا ولا كدا في دماغه وهو قالي لأ مافيش .. يعني الطريق مفتوح ندورلوا احنا على عروسة حلوة ومن عيلة وبصراحة من ساعة ماشوفت حسين صاحبي وعيلته وانا عاوز أناسبهم 
عايدة بتخوف بس يمكن حسين ميرضاش وتكون دينا بنته مخطوبة ولا حد متكلمعليها
يوسف بقلق مش عارف بصي انا هفتحه في الموضوع بيني وبينه واشوف واللي فيه الخير يقدمه ربنا ....
عايدة ربنا يكرمك يا عز يا بني ببنت الحلال اللي تستاهلك
يوسف أميييين يااااااااا رب
دلف عز الدين إلى الفيلا فلمح والديه يتحدثان فتوجه ناحيتهما و...
عز مقاطعا خير يا جماعة مالكوا بتدعوا على مين 
عايدة بابتسامة انت جيت يا حبيبي حمدلله على سلامتك اجهزلك الغدا
عز وهو يجلس بجوارها الله يسلمك يا ماما لأ انا كلت خلاص في المكتب انا جاي أغير هدومي ونازل رايح الجيم
يوسف ربنا معاك يا بني متحاولش تتأخر
عز إن شاء الله سلام
نهض عز الدين من جوار والدته ثم توجه إلى خارج الفيلا ..
وفي النادي
كان أصدقاء عز الدين يجلسون سويا على إحدى الطاولات في النادي ويتحدثون فيما بينهم عن ....
ياسمين خلاص بقى يا دودي عز هيكون ليكي 
دارين بضيق مش مرتاحة يا ياسمين هو مش مديني وش خالص ولا كأنه حاسس بيا عملت كل حاجة عشان الفت نظره وهو تقيل موووووت 
ياسمين طب ما ايه رأيك تخليه يغير 
دارين باستغراب وهي تعقد حاجبيها يغير ازاي مش فاهمة
ياسمين يعني استني وهو موجود وادلعي مع حد من أصحابنا خليه يحس بالغيرة
دارين تؤ عز مش بيفرق معاه الكلام ده
ثم انضم إليهما كلا من ياسين و حازم واللذين كانا يتمازحان
ياسين وهو يسحب مقعدا

ليجلس عليه مساءكوا اشطا يا أحلى برينسيسات في النادي كله
حازم وهو يجلس بجوار دارين هاي يا بنات 
دارين وياسمين هاي ...
ياسين بنظرات مندهشة مالكوا في ايه ليه ضاربين بوز البطة ع المسا
دارين بنبرة ضيق اوووووف بقى يا ياسين انا مش ناقصاك ولا فايقة لهزارك ده
ياسين وهو ينظ إليها بتمعن الله ده الموضوع بجد بقى
ياسمين أصل دودي يا سينو مخڼوقة من طريقة عز معاها مش انت صاحبه الانتيم متقولنا على سكة معاه
ياسين بقى ده اللي مزعلك يا دودي ما انتي عارفة عز وطريقته مع البنات بيبقى ناشف اوي وخنيق 
دارين بضيق ياسين بجد انا مصدعة ومش عاوزة اتكلم في الموضوع ده ..
ياسين بمرح متزعلش نفسك يا قمررر .. اهوو اللي مزعلك ده في واحدة مطلعاهم عليه هههههههههههههههههههههه ربك لما يريد بقى بيسلط أبدان على أبدان...
كان عز الدين قد وصل لتوه إلى الطاولة التي يجلس عليها أعضاء شلته فاستمع إلى عبارة ياسين الأخيرة فشعر بالحنق لتذكره ما حدث مع جانا فقاطعه على الفور بنبرة جادة و...
عز بنبرة جادة وصوت آمر ياسين ............!!!! جرى ايه متدخلش في اللي ملكش فيه!!!
دارين بحيرة بنت مين مين دي اللي اتجرأت وضايقتك يا عز قولي الموضوع يا بيبي وانا أجيبهالك من شعرها!!
عز بحدة ميخصكيش يا دارين .. وتاني مرة يا ياسين متحكيش في اللي ملكش فيه وإلاهتكون أخر مرة أجي أعد معاكو
ثم اخذ عز حقيبته الرياضية ورحل على الفور وهو يزفر في ضيق فنهض ياسين من مقعده ثم اسرع خلفه لكي يلحق به وبالفعل وصل إليه وأمسكه من ذراعه ليوقفه
ياسين وهو يمسك بذراعه عز ... يا عز .. استنى يا بني .. رايح فين بس
عز بضيق وهو يزيح يده ماشي !!!
ياسين خلاص يا عم مكنتش كلمتين قولتهم بالغلط 
عز محذرا تاني مرة يا ياسين متحكيش في اللي ميخصكش موضوع واتقفل هنعيد ونزيد فيه تاني ليه هااا .. لأ ومع مين دارين والشلة وانت عارفهم أما بيستلموا حد بيبقى أمه داعية عليه..
استغرب اصدقائه من تصرف عز الدين الغريب فبدأوا يتسائلون و...
حازم متساءلا ماله ده ايه اللي قلبه كده فجأة
دارين مندهشة مش عارفة بس الموضوع فيه إن وانا هعرفها يعني هعرفها
حازم هتعرفيها ازاي 
دارين بنظرات كلها ثقة ده شغلي انا بقى طالما الموضوع يخص عز يبقى مش هرتاح إلا لماأعرف كل حاجة عنه............
.......................
٢٠١٢ ١١٠٦ م نودي قصة ... دعني أحطم غرورك !!
الحلقة السادسة
وفي الغرفة التجارية حيث الاجتماع الدوري لرجال الأعمال في مصر وفي أثناء فترة الراحة 
حسين يوسف حبيبي انت فين يا راجل من يوم العزومة وانت قولت عدولي ولا أكل الحاجة سهير معجبكش 
يوسف بفرحة حبيبي يا سحس والله مشاغل متقولش كده ده نفسها في الطبيخ مالوش حل ...
حسين طمنتني يا جوو المهم اخبارك انت ايه وازي البشمهندس عز ابنك مش باين ليه 
يوسف اهوو عز ابني ده انا كنت عاوز أكلمك في موضوع عنه
حسين بقلق خير يا يوسف في ايه قلقتني 
يوسف لأ اطمن ان شاء الله خير بس الكلام مش هينفع هنا في الدوشة دي
حسين طيب خلاص كلمني نتفق على ميعاد ومكان نتكلم فيه
يوسف بامر الله .. تعالى بس نقعد لأحسن هيبدأ الاجتماع
حسين يالا يا جوو
.....
وفي منزل المهندس حسين الدمنهوري
سهير يعني هو مقالكش عاوزك فيه ايه
حسين لا والله يا سهير .. هو قالي انه عاوزني في موضوع يخص ابنه عز
سهير ربنا يستر
حسين ولو اني حاسس انها هتكون اخبار حلوة
سهير بمكر طب ماتقولي ايه اللي حاسس بيه
حسين كلام في سرك انا حاسس ان يوسف حاطط عينه على واحدة من البنات لابنه عز
سهير ده يوم المنى يوم ما نجوز البنات
حسين ششششش وطي صوتك مش عاوزين البنات تحس بحاجة لحد ما نتأكد
سهير حاضر يا حاج ربنا يصلح حال بناتي ويعدلهالهم على خير
..........
وفي داخل مكتب عز حيث كان ينتهي من توقيع بعض الأوراق
عز خلاص يا أ. ريم انا خلصت الملفات دي ابعتيهم للاستاذ سليم في الشئون القانونية يتأكد من صحة العقود
ريم حاضر يا مستر تؤمر بحاجة تانية
عز لأ شكرا اه متنسيش تخلي عم سيد يعملي فنجان قهوة تاني ويبعتهولي على مكتب والدي أنا رايحله الوقتي
ريم حاضر يا فندم عن اذنك
عز اتفضلي
وفي شركة يوسف الكيلاني وتحديدا داخل مكتب المهندس يوسف حيث كان يتحدث في الهاتف
يوسف هههههههههههههههه اومال ايه
يوسف لأ أنا عارف طبعا ده احنا يزيدنا شرف بيك يا حسين
وهنا دخل عز الدين على والده المكتب فأشار له يوسف بالجلوس على الكنبة لحين الانتهاء من مكالمته
يوسف هههههههههههههههههه لأ احنا راحت علينا بقى البركة في العيال هما اللي يفرحونا
يوسف خلاص شوف الجماعة عندك وبلغني
يوسف بامر الله ..... تمام تمام .... ماشي يا سحس وعليكم السلام ...
عز خير يا بابا في ايه
يوسف وهو يتحرك ليجلس بجوار ابنه خير ان شاء الله يا بني انت عارف يا حبيبي انك غالي عندي واني بفرح اوي لما بلاقي اسمك بيكبر في السوق لأ وكمان شوية هتنافسني
عز ربنا يباركلي فيك يابابا بس المقدمة الطويلة دي ليه
يوسف احم .. بص يا حبيبي انت عارف انا الوقتي كبرت في السن ومحدش ضامن عمره ونفسي أفرح بيك أنا ووالدتك قبل ڼموت
عز بعد الشړ عنك يا بابا بس انا مش في بالي الموضوع ده الوقتي وبعدين هو أنا بنت رايح تخطبلي وتدورلي على عروسة
يوسف ماهو انت مش في بالك بس أنا في بالي وخلاص لاقيتلك عروسة حلوة وبنت ناس محترمين جدااااا وانت كمان شوفتها وعارفها وكلمت أبوها كمان..
عز بنرفزة اييييييييييه .. كمان كلمت ابوها ماشاء الله ماشاء الله ومين تعيسة الحظ دي ان شاء الله 
يوسف بفرحة دينا
عز دينا مين 
يوسف دينا .. دينا .. ايه مش عارفها دينا بنت عمك المهندس حسين الدمنهوري
عز نعم !!! دينا ... البت المسهوكة على نفسها دي
يوسف ايووووه هي دي ايه رأيك فيها حلوة وزي القمر صح وأبوها اييييه راجل حكاية ولا مامتها ست محترمة حتى بنت عمها تربية خواجات
عز باستخفاف لأ واضح فعلا نسب يشرف أي حد
يوسف مش قولتلك
عز أنا أسف يا بابا لكن أنا مش موافق على اللي انت بتقوله ده
يوسف افندم بتقول ايه مش فاهم
عز بحدة يعني انا مش موافق على اني اخطب دينا بنت حسين صاحبك
يوسف ولد !! انت نسيت نفسك اتكلم عدل مع أبوك
عز انا أسف بس برضوه مش موافق على الخطوبة دي عن اذنك
يوسف بحدة هتروح تخطبها ڠصب عنك يا عز سواء رضيت ولا مرضتش انت فاهم سامعني !!!! انا مش هاخسر صاحبي ولا شغلي عشان دلعك ده !!!
فترك عز الدين مكتب والده وهو في قمة غضبه دون أن يجيبه ويوسف مندهش من تصرف ابنه
وفي منزل حسين الدمنهوري
حسين يا سهير يا سهير تعالي عاوزك
سهير خير يا حسين 
حسين تعالي بس الأوضة واقفلي الباب وراكي
سهير وهي تغلق الباب خلفها خير يا حاج
حسين بفرحة اللي قولتلك عليه حصل
سهير اللي هو ايه يا

حاج
حسين احساسي يا سوسو ها لسه معرفتيش عن الخطوبة
سهير بجد بجد يا حاج
حسين ايوه يا حبيبتي حصل يوسف كلمني النهاردة وفاتحني في الموضوع وانا حبيبت أبلغك بيه بنفسي في البيت مش في التليفون
سهير بلهفة ها قولي بالتفصيل قالك ايه بالظبط 
حسين اصبري عليا بس اخد نفسي وهحكيلك كل حاجة
سهير يالا يا حاج شوقتني
حسين وهو يخلع حذائه بصي يا ستي يوسف فاتحني في انه عاوز يطلب ايد بنتك دينا لعز ابنه
سهير اللهم صلي على النبي اهي دي الاخبار ولا بلاش لولووووووولي عقبال ما نفرح بجانا كمان عن قريب يااااا رب
حسين عليه الصلاة والسلام اللهم أمييييين ياااارب العالمين
سهير أما أروح أقول للبنات عشان يفرحوا
حسين وماله يا سهير فرحيهم وخليهم يستعدوا وخصوصا العروسة
وتوجهت سهير فورا إلى حيث تجلس الفتاتين
سهير والفرحة تعلو وجهها يا بنات يا بنات النهاردة جه عريس لدينا
دينا بشوق ايه عريس بجد يا مامي انتي بتهزري صح
جانا Congratulations دودي مين بقى يا أنطي حد نعرفه 
سهير ده حد نعرفه ونص وتلات تربع
دينا بلهفة ها يا مامتي