ابنه الخادمه

ابنه_الخادمه
الفصل الاول 
في قصر الشاذلي
يقف يظبط رابطه عنقه ويرتدي ساعته باهظة الثمن ويتعطر بعطره الساحر 
ثم يتجه إلي الخارج ليهبط الدرج 
انه هو مراد الشاذلي صاحب مجموعه الشاذلي للسياحه يمتلك ثلاث ارباع شركات السياحه في مصر كما أنه يمتلك ايضا شركات سياحه في أغلب الدول الاجنبيه من يسمع اسمه يترجف خوفا مراد الشاذلي صاحب الواحد وثلاثون عام يمتلك عيناه سوداء تماما كسواد الليل بلمعه القمر بشرته بيضاء يمتلك جسم رياضيا حقا انه وسيم جدا شديد العصبيه 

..صباح الخير ي مراد بيه
مراد قولتلك مره ي داده متقوليش بيه دي ي حبيبتي أنا قد ابنك بيه اي بس
دادة سعاد هي اللي ربت مراد شغاله في بيتهم من وهو صغير أهله توفاهم الله من عشر سنين ومراد صمم تفضل معاه ف البيت عندها بنت واحده
سعاد.. حاضر يالا اقعد افطر
مراد ..لا أنا متأخر اوي ع الشركه همشي أنا
سعاد .. طيب أنا هستأذن بدري انهاردة
مراد خير
سعاد بتعب هروح المستوصف اكششف ع القلب في دكتور جاي يومين يكشف ع كل اللي ف الحاره هروح يمكن يكون ف ايديه الشفا
مراد بعتاب كده ي دادة مش انا بتحايل عليكي تيجي نروح للدكتور
سعاد انت عارف رأيي ف الموضوع دا ي مراد 
روح ي حبيبي علي شغلك يالا الا صحيح هي الساعه كام دلوقتي
مراد عشرة ونص وعندي ميتنج كمان ساعه يادوب الحق سلام
سعاد مع السلامه 
ربنا يحميك ي مراد 
خرج مراد من باب القصر 
كان ف انتظاره طقم الحرس الخاص بيه 
وانطلقوا الي الشركه 
........
ايوة ي ماما والله العظيم فطرت ي حبيبتي خدي بالك أنتي من نفسك هتتأخري انهاردة
... لا ي حبيبتي خدي بالك من نفسك بس وانا هخلص واجي ع طول خلصي محاضراتك وروحي علي البيت ع طول ي زينه ولو الراجل صاحب البيت ضايقك قوليله ماما هتجيبلك الفلوس النهاردة
زينة.. حاضر ي حبيبتي مع السلامه 
زينه قفلت مع مامتها وكان في عربيه هتخبطها
ايه دا مش تاخد بالك ي عادل
عادل اسف ي مراد بيه هي اللي ظهرت قدامي مره واحده
مراد طيب انزل شوف حصلها حاجه
عادل حاضر ليخرج عادل من السيارة 
حصلك حاجه ي آنسة
زينة .لا لا محصلش حاجه أنا اسفه كنت ماشيه بتكلم ف التليفون ومش مركزة 
بعد اذنك
يركب عادل ويوصلوا الشركه 
شركه الشاذلي للسياحه
يدخل مراد الشركه بهيئته المعهودة 
تنظر إليه فتيات الشركه باعجاب واضح ليصل الي مكتبه ثم يتحدث 
ريناد هاتيلي كل ورق الميتنج اللي بعد شويه
ريناد السكرتيره الخاصه بمراد 
حاضر ي فندم
دخل مراد وبعد دقائق دلفت ريناد وهي تحمل ملف به ورق صفقه مع شركه الفاروق لانشاء أكبر قرية سياحيه بشرم الشيخ
ريناد . مراد بيه دا كل الورق وحسن الفاروق علي وصول ومعاه ابنه عمار والاعضاء المنتدبين
مراد وهو ينظر إلي الورق 
ابعتي حد الميتنج روم يتأكد من أن كل حاجه تمام وبلغي الناس بعد خمس دقايق كلها تكون هناك
ريناد اوامرك ي فندم
في الميتنج روم 
مراد اهلا ي حسن بيه نورت ي عمار
حسن الفاروق عدو مراد بس في المصلحه مفيش حاجه اسمها عدوي دا نظام البيزنس ومصلحه حسن وابنه مع مراد المشروع دا هينقل شركته ناقله تاريخيه لوجود اسم شركه الشاذلي معاه
حسن اهلا مراد بيه نبدأ الميتنج
مراد نبدأ 
اتكلم موظف مراد ي مراد بيه الاوراق والعقود اللي حسن بيه مجهزها دي غير اللي وصلتلنا قبل كده نسبه الشړاكه متغيرة حسن بيه حاطط نسبتنا 49 بس ودا مش المتفق عليه احنا نسبتنا 51 وفي هنا تبديل للنسب
عمار الفاروق ايه اللي انت بتقوله دا ي حيوان انت
مراد پغضب عماااار أنا عامل احترام لوالدك بس لكن تغلط في موظف من موظفيني مكانك هنا وطالما في لعب في الصفقه كده من اولها يبقي كل شيء يتفض احسن
حسن اهدي بس ي مراد بيه
مراد دي مفيهاش اهدي أنا محدش يلعب معايا اللعب الرخيص دا ابدا 
وانا إن كنت وافقت علي انك تبقي معايا شريك فدا علشان أنا عارف وضع شركتك عامل ازاي 
لكن تغير ف النسب والاسهم دا شئ غير مقبول ابدا 
أنا متأسف الصفقه دي مش هتتم
حسن باستفهام مش هتتم ازاي
مراد ببرود زي الناس أنا مش محتاج شريك معايا القرية هتتفذ من شركه الشاذلي وبس 
الميتنج خلص 
عمار بعصبيه هو لعب عيال يعني ايه مش محتاج شريك دا مكنش اتفاقنا
مراد ولا كان اتفاقنا انك تلعب ف النسب 
وتاني مره وانت ف شركتي صوتك ميعلاش 
ثم الټفت لحسن
حسن بيه ياريت تفهم ابنك مين مراد الشاذلي 
علشان مفهموش أنا بطريقتي 
واضح 
حسن پغضب واضح ي مراد بيه واضح 
يالا بينا ي جماعه
مراد ريناد تعالي ورايا وكلميلي صاحب الأرض فهميه أن عقد الارض يتكتب باسمي أنا وفلوسه كلها هياخد بيها شيك يوم منمضي العقد 
___________________________________
في قصر الشاذلي 
تجلس سعاد في المطبخ بتعب 
لتمسك هاتفها لتحادث ابنتها 
ايوة ي زينه أيوة ي بنتي روحتي
زينه ايوة ي ماما روحت وعم مصطفي طلب برضوا مني الفلوس وقولتله لما ماما ترجع
سعاد لما ارجع بس ربنا يفرجها 
أنا ساعه وجايه 
__________
في احد الحواري
في بيت متهالك قديم 
تسكن زينه وامها
في الدور الارضي للبيت 
زينه شهاب فخر الدين فتاه عمرها ثلاثه وعشرون عام في اخر سنه كليه هندسه قصيرة القامه تمتلك شعر شديد النعومه يصل الي اسفل ظهرها عينها رزقاء كالسماء صاحبه بشره بيضاء 
يدق باب شقتهم 
تفتح زينه الباب 
ي هلا بالوجه الزين ي هلا
سعاد وسعي من وشي ي لمضه مش قادرة اقف
زينه خشي ي حبيبتي سلامتك
سعاد بتوهان والم اه قلبي الحقيني ي زينه 
لتسقط مغشيا عليها
زينه بصړاخ 
ماما 
ماما مالك في ايه ماما حبيبتي فوقي 
لتهرول الي الشارع 
الحقوني ي ناس ماما واقعه مش عارفه افوقها حد يلحقني
احد رجال الحاره دخل الي شقتهم 
يحملها ويذهبا الي المستشفي 
ليأتي الطبيب ليتفحصها 
الطبيب لو سمحتي ي انسه اخرجي برا ع مااكشف علي الحاجه
زينه پبكاء حاضر ي دكتور
بعد دقائق 
خرج الدكتور 
تهرول إليه زينه 
خير ي دكتور فيه ايه ماما مالها
الدكتور
___________________________________
رأيكو ولو عجبتكوا هتنزل يوميا الساعه 6
ابنه_الخادمه
الفصل الثاني
زينه خير ي دكتور ماما مالها
الدكتور الحقيقه ي انسه والده حضرتك قلبها تعبان جدا والحاله متأخره جدا ولازم ليها عملية في اسرع وقت ممكن
زينه عمليه ايه دي وهتتكلف كام 
الدكتور 300 الف دولار ولازم تتنقل مستشفي خاصه حالا محدش هنا هيقدر يفيديك زي منتي شايفه الناس مرميه ف كل حته محدش بيفكر يبص عليهم وكل حجتهم الدور لسه مجاش
زينه اجيب منين المبلغ دا احنا ناس ع قد حالنا عايشين اليوم بيومه
الدكتور والله انا قولتلك اللي عندي بعد اذنك
رحل الدكتور دخلت زينه الي امها
زينه پبكاء ماما حبيبتي كده تعملي الحركات دي في زينه حبيبتك
سعاد بتعب مټخافيش ي زينه مټخافيش ي نور عيني أنا كويسه
زينه ماما متسبنيش علشان خاطري ان شاء الله هتعملي العمليه وهتبقي كويسه
سعاد عملية ايه دي
زينه عمليه صغيرة علشان تبقي كويسه ي حبيبتي
سعاد تكلفتها قد ايه ي زينه
زينه بارتباك متشغليش بالك أنتي ربنا مبينساش حد
سعاد قد ايه ي زينه انطقي
زينه ب 300 الف دولار
سعاد وهنجيب الفلوس دي كلها منين ي زينه
زينه ربنا مش هيسيبنا ي ماما
سعاد تليفوني معاكي ي زينه
زينه أيوة ي ماما الشنطه كلها معايا
سعاد هاتي التليفون
زينه اتفضلي
سعاد هاتي ي بنتي
___________________________________
في قصر الشاذلي 
كان يجلس مراد في مكتبه ينهي بعض الأعمال 
يرن هاتفه باسم دادة سعاد
مراد أيوة ي دادة
سعاد بتعب أيوة ي مراد عايزاك ي حبيبي تجيلي مستشفي .......
مراد حاضر جاي بس انتي كويسه
سعاد متتاخرش عليا ي مراد ي ابني
مراد حاضر مسافه السكه مع السلامه
خرج مراد القصر 
يلتقي بعادل أمامه
عادل مراد بيه خير في حاجه
مراد يالا بينا ي عادل ع المستشفي بسرعه
عادل حاضر ي باشا بس خير
مراد اخلص ي عادل مش وقت اسئلتك
في المشفي 
يقف مراد يحدث موظفه الاستقبال 
لو سمحتي الحجه سعاد عوض في غرفه كام
موظفه الاستقبال في عمبر خمسه ي اوستاذ
مراد بتعجب اوستاذ وعمبر 
طيب شكرا 
بحث مراد عن العنبر حتي وجده 
دخل واخذ يتطلع حتي وقع نظره علي سعاد
مراد دادة حبيبتي مالك
سعاد أنا كويسه ي ابني 
زينه بنتي 
ينظر مراد الي زينه يجدها تبكي عيناها متورمتان جميله وهي تبكي
مراداهلا ي آنسة زينه
سعاد زينه معلش سبيني أنا ومراد خمس دقائق
زينهحاضر ي ماما 
تخرج زينه
مراد خير ي داده في ايه
سعاد اسمعني ي مراد الدكتور عايزني اعمل عمليه وانا مش هعملها أنا خلاص ايامي في الدنيا معدوده 
ركز كويس في اللي هقولهولك دا 
___________________________________
في فيلا الفاروق
عماريعني ايه ي بابا هتسيب ابن الشاذلي يعمل القريه لوحده وياخد كل الفلوس اللي هتيجي من وراها كده
حسن عايزني اعمل ايه ي فالح مش انت اللي غيرت النسب برضوا
عمار كنت فاكرها هتعدي معرفش أن مراد مركز لينا اوي كده
حسن انت عارف كويس ان مراد لولا البيزنس مش هيشتغل معانا اصلا
عمار أنا مش هسكت ي بابا
حسن هتعمل ايه يعني
عمار أنا هقولك ..................
_________________________
مراد ايه اللي حضرتك قولتيه دا ي دادة
سعاد هي دي كل الحكايه ي مراد 
زينه ي مراد ملهاش غيري 
اوعدني ي ابني تاخد بالك منها لو جرالي 
حاجه
مراد اوعدك ي دادة بس انتي لازم تعملي العمليه
سعاد لا ي مراد مش هعمل عمليات 
خد بس زينه روحها ف طريقك
مراد حاضر ي حبيبتي 
هجيلك بكرة
يخرج مراد 
يبحث عن زينه يجدها تجلس ع أحد الكراسي تبكي
مراد انسه زينه
زينه وهي تمسح دموعها أيوة
ماما عامله ايه
مراد كويسه تعالي يالا علشان اوصلك بيتكوا
زينه لا أنا هفضل مع ماما
مراد مامتك اللي طلبت مني اوصلك يالا علشان منتعبهاش
زينه حاضر
اخدها مراد 
ليوصلها
عادل ايه دا مش حضرتك اللي وقفتي قدام العربيه مره واحده
زينه أيوة أنا
عادل دي ي مراد بيه اللي كنت هخطبها الصبح
مراد حصل خير اطلع علي العنوان دا نوصلها قبل منروح
وصل مراد الحارة
تشكره زينه وتنزل لتذهب الي بيتها 
قبل أن يرحل مراد سمع صوتها العال وهي تتحدث الي أحدهم وتصرخ
يذهب مراد ليري ماذا يحدث 
ليتحدث پغضب مما رأه انسه زينه فيه ايه
زينه الراجل صاحب البيت الضلالي عايز يرمينا في الشارع علشان ماخدش الايجار ورمي كل عفشنا في الشارع مش مراعي أن امي في المستشفي
مصطفي صاحب البيت وانا مالي
فلوسي وعايزها وامك كل شهر تقولي الشهر الجاي 
وانا جايلي بقا ايجار اعلي من ايجاركوا 
فخدي شويه الزباله
بتوعك دول من غير مطرود
مراد كلمه زيادة ي راجل انت وهخلي الدكتور ميعرفش انت فيك ايه بالظبط
مصطفي وانت مين بقا وبتحشر نفسك في الكلام ليه 
مراد لعادل خد انسه زينه وديها العربيه
مصطفي بسخريه ايه دا انت بتشقطها عيني عينك كده
مراد پغضب لا كده كتير بقا الزم حدودك واعرف بتكلم مين
مصطفي بكلم مين يعني
مراد مراد الشاذلي تعرفه ولا تحب اعرفك
مصطفي حصلنا القرف يعني ايه مراد الشاذلي 
مراد......
_____________________________
يا تري سعاد قالت ايه لمراد 
وعمار ناوي علي ايه 
ومراد هيعمل ايه في مصطفي 
توقعاتكم
ابنه_الخادمة
الفصل الثالث
مصطفي حصلنا القرف يعني ايه مراد الشاذلي
اقترب مراد من مصطفي ليمسكه من ياقه قميصه ثم تحدث بصوت مخيف عيب اوي لما متكونش عارف مين مراد الشاذلي أنا مش