منقذى الوسيم بقلم إسراء ابراهيم
رجل قدام معاذ وثريا وحور اللي كانت ماسكة ايد معاذ بتملك وخوف مسيطرين عليها ومش حاسة حتي بنظرات امها اللي كلها لوم وعتاب عشان سابت البيت وانتبه فهمي لمعاذ اللي قال بجدية
انا قولت اعمل بالاصول واجي اعرفكم ان حور خلاص هتبقي مراتي
اټصدمت حور وبصت لمعاذ اللي مكنش مركز معاها وكان باصص لفهمي بجدية وغموض بس حست بايده اللي ضغطت علي ايديها كأنه بيقولها انا معاكي وحاسس بيكي وهنا حور كان قلبها من كتر دقاته كانت حاسة انها هيغمي عليها بس لفت انتباها صوت فهمي اللي قال بسخرية
بصتله حور بكره وبصت لامها اللي كانت ساكتة وكأنها مغلوبة علي امرها بصتلها بخزلان ورجعت بصت لثريا اللي ابتسمت بحنان وكأنها حاسة بيها وبتواسيها قام معاذ ومعاه حور اللي كانت حاسة بنظرات شريف اللي كلها ڠضب ووقتها استخبت ورا معاذ وهي خاېفة من نظراته وحس بيها معاذ فسابها وقرب من شريف ووقف قدامه وقال پغضب
قال معاذ كلامه وفجأة ضړب شريف بالبوكس في وشه فشهقت حور پصدمة ووقع شريف عالارض وبص لمعاذ پخوف فكمل معاذ كلامه وقاله بحدة
ده جزاء اللي يبص بس بعنيه لحد يخصني لو شوفتك بس بتقرب من مكان هي فيه صدقني هحسر ابوك اللي واقف ده عليك
قال معاذ كلامه وراح ناحية حور واخدها من ايديها ومشي ووراه ثريا اللي بصت لنرجس ام حور بقرف وسابتها ومشيت
عدي اسبوعين كانت حور فيهم حالتها النفسية اتحسنت اوي وخصوصا ان معاملة ثريا ليها حلوة اوياوقات بتحس حور انها امها من شدة حنيتها عليها اما معاذ فقصته معاها قصة ولا الف ليلة وليلة بالنسبالها زي ابطال الروايات هو منقذها الوسيم زي ما سمته بينها وبين نفسها عمرها ما كانت تتخيل انها ممكن تحب ابن عمتها اللي مكنتش تعرف عنه حاجة بس معاذ فعلا بيعاملها علي انها فعلا جوهرة وغالية اوي كمان اوقات بتشك انه ممكن يكون بيحبها زي ما هي حبته من معاملته ليها واهتمامه بيها بس دايما بتحاول متسمعش لقلبها ومتمشيش وراه عشان متتعبش وبتقول ان معاذ يستاهل بنت تكون احسن منها وتبقي شبهه
تعرفي انك اجمل من اي بنت شوفتها في حياتي
قلب حور دق بس لما افتكرت سبب جوازهم ملامحها بان عليها الحزن وقالتله بهمس
هششش اسكتي
قالها معاذ بهمس وهو بيحط ايده علي وش حور وكمل كلامه وقالها بتنهيدة
الحاجة الوحيدة اللي فعلا المفروض تتأسفيلي عليها هو انك مظهرتيش في حياتي من زمان يا حور
حور كانت فرحانه بكلام معاذ بس خاېفة احسن يكون بيقول بس كدة عشان ميجرحهاش او يحسسها بالذنب اتنهدت بحزن وقررت تسكت وتعيش مع معاذ بس متنساش نفسها دايما لحد ما هو يقابل البنت اللي تستاهله
عدي شهرين علي الاحداث اللي حصلت كانت فيهم حور بتحاول دايما تبعد عن معاذ دايما بتصده ودايما بتحاول تتجنبه رغم انها من جواها بتتمني انه
فعلا يحبها بجد وانه يشوفها بعنيه زي ما هو في نظرها ورغم انها بتبعد عن معاذ لكنها دايما مهتمية بتفاصيله بتاخد بالها من كل حاجة تخصه ده غير انها شايلة البيت من كل حاجة رغم معارضة ثريا بس دايما حور بتصمم انها هي اللي تنضف وتعمل الاكل وكل حاجة وده خلي ثريا تحمد ربنا ان حور دخلت حياتهم كانت واقفة حور في المطبخ بتشوف الاكل لحد ما دخلت عليها ثريا وقالتلها بابتسامة
حور يا حبيبتي سيبي الاكل وروحي انتي شوفي جوزك لسة جاي دلوقتي
ابتسمت حور بفرحة اول ما عرفت ان معاذ جه وسابت ثريا وراحتله اوضتهم واول ما دخلت ملقتهوش دورت بعنيها عليه وفجأة لقيته وراها وبيهمس في ودنها
وحشتيني
يا معاذ وقعت قلبي
يا حوري
اتوترت حور من كلام معاذ وحاولت تبعد عنه وهي بتقول بتهرب
اانا هشوف الاكل احسن يتحرق
ردت حور باندفاع وهي بتبص لمعاذ بحزن وقلب مقبوض
لا يا معاذ انا مش عايزاك تسيبني انا ماصدقت انك دخلت حياتي
معاذ اتنهد بحيرة ورد علي حور وهو بيزيح خصله شعرها اللي اتمردت ونزلت علي عنيها
اومال ايه يا حور غلبتيني معاكي انا مبقتش فاهم حاجة
ردت حور بحزن وحيرة وهي باصة في عيونه
انا طول الوقت حاسة اني مستاهلكش انت كتير اوي يا معاذ عليا انت تستاهل بنت شبهك بنت متعلمة زيك لكن انا انا حور يا معاذ انا دخلت حياتك لغبطها انا عايشة كل يوم معاك وانا بتمني وبدعي انك تحبني زي ما انا حبيتك ايوة حبيتك اوي يا معاذ وعارفة اني انانية بس ڠصب عني حبيتك
بحبك يا حور عارفة من امتي من وقت ما نزلت من عربيتي ووقفت قدامك وقلبي دق اول ما عيني جت في عيونك بحبك ومش هتنازل عنك حتي لو انتي اللي طلبتي ده انا كنت خاېف احسن تكوني مش بتحبيني وعشان كدة سيبتك براحتك بس بعد كلامك ده انا اتأكدت اني ساكن قلبك زي ما انتي كمان سكنتي قلبي ومش هسمحلك تبعدي عني لحظة
حور ابتسمت من بين دموعها وردت بتلقائية
وانا قلبي ملكك يا منقذي الوسيم
تمت
بقلمي اسراء ابراهيم
