صعب البعد فهد وملك الفصل الثالث 3

انا اسمي فهد الدكتور فهد في الجامعه الطب بتاعته ملك اختك
بصيت على فهد پصدمه من كلامه ووجهت نظري لمريم بتوتر بس لقتها ابتسمت وقالت بسرعه اهلا وسهلا يادكتور نورت اتفضل ادخل
خلصت كلامها وبعدت من قدام الباب وانا بصيت عليها پصدمه هي بس اخدت بالها انه دكتور بتاعي! ومش لاحظت انه شايلني قدامها ازاي كده هي البنت دي عبيطه او هبله انا عاوزه اعرف بجد 
كونت بفكر في الكلام ده وانا مصوبه عيني عليها بغيظ وفهد دخل الشقه وتوجه للكنبه قدامه في الصالون ونزلني بحنيه عليها ووقف تاني مكانه 
وقال لمريم انا اسف يأنسه مريم لو اجيت كده بدون دعوه بس كانت في حاله طارئه قدامي 
قال كده لمريم وهو عنيه مصوبه عليا وانا ببادله النظره بضيق وسمعت مريم ردت عليه بسعاده وقالت لا عادي يادكتور حصل خير بس بابا ليسه اخد العلاج ونام جوه يعني فأسفه مش هقدر اضيف حضرتك حاجه في الوقت ده
ابتسم فهد ليها وقالعادي يأنسه حصل خير ابقى مره تاني انا بس طلعت علشان اوصل الأنسه ملك لهنا لان رجلها اتصابت ومش هتقدر تمشي عليا فلو سمحتي خدي بالك منها الفتره دي اكون ممنون اوي ليكي 
مريم سمعته وبعدها أخيرٱ بصت عليا پخوف اختها المسكينه بعد الوقت ده كله اخيرا لاحظت وجودي وانا خلاص كونت حاسه نفسي مش موجوده قدامها اصلا 
فقربت مني پخوف وقالتملك حبيبتي انتي كويسه دلوقتي انا اسفه مأخدش بالي من حالتك دي والله 
رفعت عيني ليها بسخريه وقولتلا فعلا يامريم وانتي هتاخدي بالك مني ازاي وانتي من اول ماسمعتي صوت فهد مشتلتيش عنيكي من عليه ياست مريم 
خلصت اخر جمله بغيظ وغيره واضحه لاني فعلا حسيت بالغيره من نظرتها لفهد وبعدها وجهت نظري لفهد ولقيت ابتسامه كبيره مرسومه على شفايفه بسعاده الظاهر اني كشفت نفسي وغيرتي عليه قدامه علشان كده هو فرحان اوي وبيبص عليا بحب
وانا اتغظت اوي في وقتها من نفسي ومن غبائي كمان فوجهت نظري بسرعه على مريم تاني باحراج بقلم نور محمد 
وقولت بتعبمريم لو سمحتي انا تعبانه