الأميره والمغترب
المحتويات
مقيمة عند خالتها اللي عايشة في كندا تقعد عندها ست اشهر لحد ما تلاقي وظيفة هناك .
للأسف مكانتش عارفة إن كل أحلامها هتتحول لكوابيس
محسن حبيبتي يا أميرة انتي عارفة اني عمري ما عارضتك في حاجة و طول عمرك مستقلة برأيك و مش بأحب اتدخل في قراراتك بس انتي متأكدة من الخطوة دي
ربنا يسهلها يا بابا ما تقلقش عليا بنتك جدعة و بنت بلد ما بيتخافش عليها
انا مش خاېف غير من حكاية قعدتك عند خالتك دي
حتى انت عدت ماما بمخاوفها !!
ڠصب عني يا بنتي ..
إتطمن أنا عاملة حسابي لكل حاجة ...هي 6 أشهر بالكثير و اكون لقيت شغل و عملت إقامة دايمة
انت و ماما مكبرين الموضوع اوي على فكرة ...انا سبق و فهمتك ان الوظايف في كندا كثير اوي و هوما طالبين ناس عندها تخصصات معينة هندسة و محاسبة و كمبيوتر و انا الحمد لله عندي التخصص المطلوب يبقى ايه اللي يخليني أقعد من غير شغل ست اشهر !
محسن بقلق ربنا يسهلها يا بنتي .
حضرت أميرة كل اوراقها الخاصة بالسفر و فضلت مستنية الإقامة من عند خالتها و اللي جات بعد شهر ..دفعت اوراقها و معاهم الإقامة في السفارة الكندية و فضلت مستنية منهم خبر
فتحته لقت أخيرا البشرى اللي كانت مستنياها
الفيزا بتاعتها جاهزة
طارت عند مامتها و الفرحة مش سايعاها و الدموع بتنهمر من عينيها تلقائي
ماماااااا اخيراااا الفيزا وصلت ... ياااه اخيرا هألمس حلمي اخيرااا هتبدل حياتي ألف حمد و شكر ليك يا رب
الحمد لله يا بنتي ربنا يسترها معاكي دنيا و آخرة و يرزقك من اوسع الأبواب يا رب
عدى اسبوع على اميرة ما بين تخليص باقي الاوراق و تجهيز حاجاتها للسفر لحد ما وصل اليوم الموعود
حطت بيريه بيج مع شال من نفس اللون و فردت شعرها و طلعت المطار و معاها عيلتها اللي ودعتها و هي بتوعدهم انها مش هترجع مصر الا و هي أميرة تانية محققة كل أحلامها
طلعت الطيارة و قلبها بيدق جامد خاېفة و دمعتها على خدها
بعد ما الطيارة اقلعت مسكت المصحف و فضلت تقرا و كل شوية تدعي ربنا يفتح في وشها بيبان الخير و يكرمها
عدت 13 ساعة مرة تتفرج على التلفزيون اللي قدامها مرة تنام مرة تقرا قرآن لحد ما صحيت على صوت المضيفة و هي بتعلن وصولهم للحدود الكندية
أول ما خلصت اجراءات المطار و طلعت لقت خالتها فاتن
متابعة القراءة
