حب في موسم الجفاف الفصل الرابع للكاتبة...حنان حسن

بصلي احمد تاني بنظرة كلها حنية
وقالي...حاضر
اول ما الدكتور يوصل هدخلك معايا تطمني علي اخوكي
فا سالتة بقلق
وقلتلة...
تفتكر جليلة هتوافق علي موضوع الدكتور ده
فا رد احمد
وقالي ..انا مش هقولها دلوقتي اني اتصلت بالدكتور
عشان متعاندش وترفض 
الموضوع
والافضل ان اول ما يجي الدكتور
ادخل بيه عليها
عشان اخليها امام امر واقع
فا قلتلة...تمام 
وانا هفضل واقفة في البلكونة لغاية ما الدكتور يوصل
وبالفعل فضلت منتظرة
وبعد شوية
شوفت عربية وقفت ادام البيت بتاعنا
ونزل منها راجل بنظارة وبيحمل في ايدة حقيبة
وبعدها بدقايق سمعت الجرس بتاع شقتنا بيرن
ولما الدادة فتحت كان الراجل ابو نظارة هو الي علي الباب
فا عرفت ان هو دا الدكتور
فا طلعت اجري علي احمد عشان يدخلني مع الدكتور وهو بيكشف علي اخويا
وبالفعل دخلت معاهم
بس واضح ان جليلة مكنتش مستعدة لاستقبال الدكتور
ولا مستعدة لمفاجئة دخولنا عليها اصلا
لاننا بمجرد ما فتحنا الباب عليها
اكتشفنا لحظتها انها كانت بتحمل كائن صغير بين ذراعيها
وكان واضح ان هو دا 
الشيئ الي كان في البطانية الي كانت جنب عمر
للكاتبة ..حنان حسن
في اللحظة دي
دققت كويس في ملامح الكائن الصغير
وبعدما اتحققت منه
اټصدمت من المفاجئة
ودا لانه مطلعش طفل
ولا حتي طلع لعبة
عارفين الكائن الي كان علي ايد جليلة طلع اية
والدكتور لما كشف علي عمر اكتشف اية.......