زوجه رجل استثنائي الفصل السابع عشر 17

جلال بالسلامة بس ووقتها أنا عارف هعمل إيه
ومتنساش إن إحنا مخلصين على كل رجالة اللي بتقول عليه اكبر مننا ده! 
فبكت الهام وهي بتقول_بس ابوك اللي وقع ضحېة كل اللي بيحصل ده!
اتنهد بهم واتجه ناحية الهام وربت على كتفها وهو بيقول_متقلقيش ان شاء الله هيقوم بالسلامة
جلال مش هيسيبنا بسهولة كده
بكت اكتر تاني وهو بيحاول يواسيها على قد ما يقدر
عدى شوية وقت كانوا كلهم واقفين فيه على أعصابهم ولإن المدة طالت جوا فكان قصي متأكد إن الوضع خطړ خصوصا إنه شاف مكان الړصاصة واللي كان متأكد إنها صعبة وبعد مدة خرج الدكتور من أوضة العمليات فكلهم جريوا عليه اما الهام فبكت وهي بتقول_طمني على جوزي يا دكتور بالله عليك
رفع الدكتور الكمامة من على وشه وقال بارهاق ظاهر عليه_مخبيش عليكوا الحالة وضعها مش مستقر مكان الړصاصة كان حساس جدا وقدرنا نخرجها بصعوبة الحقيقة منضمنش حالة المړيض هتبقى إيه ولكن ادعوا إن ال ٤٨ ساعة الجايين يعدوا على خير
خلص كلامه ومشي فاڼهارت الهام على الكرسي وهي بتقول_جلال بيروح مني
ابوكوا بيروح! 
سند قصي راسه على الحيطة بهم على قد ما هو وابوه عمرهم ما اتفقوا مع بعض حتى جاتلهم فترة كانوا اعداء إلا إن في الآخر صلة الډم اللي بتحكم! 
حس بلمسة على إيده فوجه نظره لقى عائشة في حين بتبسمله بتشجيع كانت عارفة قد إيه هو في صراع مع افكاره بالذات مع حالة الصمت اللي هو فيها دي فبادلها الابتسام على قد ما يقدر ورجع سند على الحيطة تاني.. 
كان قاعد حاطت رجل على رجل على الكرسي الجلد وهو باصص على البيوت من تحت ناطحة السحاب اللي هو قاعد فيها لحد ما اتجه ليه واحد من رجالته فحس بيه طارق وقال من غير ما يتلفتله_وصلوا لإيه
شبك رجله إيديه قدامه وقال وهو حاني راسه_قدروا يخلصوا على كل الرجالة اللي بعتناهم ولكن جلال الراوي اټصاب وحالته خطېرة
ابتسم وهو لسة موجه نظره على الحيطة اللي كانت زجاجية بالكامل وقال_كويس
قصي هيبدأ ينتقم وأنا مستنيه.
اتكلم رجله من وراه وقال_تحب تؤمر بحاجة نعملها ليه
اتلفتله نص لفتة من غير ما يشوفه حتى وقال_تابعوا أخبار جلال الراوي وعرفوني بتحركات ابنه أول بأول
هز الرجل راسه وقال وهو بينسحب_أوامرك يا باشا
أما طارق فاتعدل وحط رجل على رجل واتسعت ابتسامته اللي على شفايفه كان مدرك إن قصي مش سهل رغم عدم توقعه إنه هيقدر على كل عدد الرجالة اللي بعتهمله دول وكان فاكر إنه على الأقل هيخرج بإصابة لو حتى بسيطة لكن كل مرة كان بيقدر يفاجئه ولكن كان جواه شعور بالسعادة إن قدر يئذي حد من حبايبه.... 
كان عدى وقت من بعد ما خرجوا جلال على أوضة العناية المركزة كان قصي شايف الحالة اللي الكل فيها مدرك إنهم حاسين بالارهاق بعد اليوم الصعب اللي اتعرضوله فوجه كلامه لياسين اللي كان قاعد ضامم مراته وبنته وقال_ياسين
خد مراتك وبنتك وروحوا على الڤيلا متقلقوش الشرطة كانوا هناك واخدوا كل الچثث والرجالة نضفوا المكان
هز ياسين راسه بتفهم وابتدى يشجع مراته وبنته اللي بالفعل كانوا مرهقين بشكل كبير فوجه قصي كلامه المرادي ل عدي وقال_وأنت يا عدي
ولادك مش حمل مرمطة مستشفيات خدهم وخد ماما معاك ترتاح شوية قاعدتها في المستشفى ملهاش لازمة كفاية الارهاق اللي أنتوا فيه
ولكن هنا الهام اللي كانت شاردة رفعت راسها وقالت بحدة_مش هتحرك من هنا هفضل مع جلال لحد ما يفوق
زفر قصي وقال بمسايسة_وأنت يرضيك جلال لما يفوق يلاقيكي