الأميره والمغترب الفصل الخامس 5 و السادس 6

رواية الاميرة والمغترب الفصل الخامس 5 و السادس 6
سحر الو يا ماما
فاتن پغضب ليكي عين تقولي ماما الساعة عدت ثمانية و حضرتك انتي و البرنسيسة لسة ما شرفتوش و يا عالم هي ف انهي داهية !!
سحر لا احنا في الطريق كمان ربع ساعة و نوصل اتصلت عشان اطمنك 
فاتن انتي و مين  
سحر أميرة 
فاتن بتعجب و اتلميتي على المخفية فين بقى 
بعدين يا ماما المهم احنا قرينا نوصل اهو
وصلت سحر برفقة أميرة المتعبة و المحدقة الى اللاشيء 
شكرت السائق و خرجت برفقتها ثم ادخلتها إلى المنزل و هي تسندها و تهمس بعطف أميرة احنا وصلنا يالا بالراحة يا حبيبتي 

سمعت فاتن الباب و هو يفتح
فاتن بملل و هي تقلب هاتفها دون أن تنظر اليهم ما لسة بدري يا هوانم كنتو تعمللوكم كمان لفة و ترجعو انتي و هي تنامو بس ماهي بقت لوكندا مش بيت !!
سحر بصوت عال ماما بلاش الكلام ده دلوقت أميرة عيانة ده بدل ما تساعديني نسندها !! 
رأتهما فوقفت بتعجب خير مالها دي 
سحر مش عارفة ...هي تعبت و الاسعاف وصلها المستشفى و أتصلوا برقمي ..رحت عندها و فضلت مستنياها لحد ما صحيت عشان كدة اتأخرنا .
وصلتها كل من سحر و فاتن الى مكانها 
سحر بعطف يالا اتمددي كدة و حاولي تنامي عشان ترتاحي 
اسندوها في سريرها و خرجتا من الغرفة و هي في عالم اخر نصف نائمة و نصف صاحية 
في الصالة 
فاتن عايزة افهم اللي حصل بالضبط و بعدين شكلها مش عاملة ولا عليها كدمات يبقى تعبت ازاي و فين و امتى 
سحر و انا ايش عرفني ايه اللي حصل ما انا قلتلك أتصلوا بيا و رحتلها المستشفى استنيتها و جبتها و جيت 
فاتن يا سلام !! و يتصلوا بيكي انتي ليه ما اتصلوش بيا انا ليه 
سحر بحنق يمكن لأنها ما معاهاش رقم حد هنا غيري 
يمكن مثلا لإن محدش بيهتم بيها في البيت ده غيري 
فاتن يا ختي مالك محموقة اوي كدة !! هي كانت ماهي زي القردة جوة اهي !!
سحر بحدة قردة ايه يا ماما دي كانت 
ايوة يعني انا مالي هو انا اللي موتتها ماهي كانت مع حنان و طلعت بعدها تلف لوحدها يعني لاهي صغيرة ولا قاصر عشان عايزانا نكون ولايا امرها أو نقلق عليها 
سحر بحنق طب فين حنان 
فاتن جوة في اوضتها نايمة.... تعبانة يا عيني طول اليوم على حيلها معاها عشان مقابلة العمل بتاعتها 
همست سحر في سرها بتهكم لا حنينة اوي .. بجد اسم على مسمى 
تركت سحر والدتها و توجهت الى غرفة حنان پغضب
طرقت الباب كثيرا لكنها لم تجب
همست سحر پغضب طيب يا حنان ماهو انتي مش هتفضلي في الاوضة دي طول عمرك ! 
في الصباح 
استيقظت أميرة و هي تنظر الى نفسها بتعجب و تهمس بينها و بين نفسها بخفوت
أنا جيت هنا ازاي ! هو ايه اللي حصل  
في تلك الأثناء تململت سحر في فراشها و استيقظت بعد ان رأت حيرة أميرة 
سحر بنعاس صباح الخير يا ميرو ازايك النهاردة 
أميرة بدهشة صباح النور ..انا كويسة بس ...بس مش فاكرة هو انا جيت هنا ازاي يا سحر ! 
فركت شعرها پضياع لتتذكر ما حدث ثم قالت مش انا امبارح رحت مع حنان عشان مقابلة عمل رجعت ازاي 
قامت سحر واعتدلت في جلستها و قد رتبت افكارها ليلا و فكرت فيما ستقول 
بصي يا ستي