قصه جديده

هترجع..عليادي بنت قويه وميتخافش عليها اهدي علشان نفكر
بقلم...زهرة الربيع
نجوى استغربت قوي واخدت منها الميه وبصت لها بابتسامه
وعمران كمان استغربها جدا بس مكانس فيه وقت يسألها عن اي حاجه ... اخد التليفون واتصل على واحد من المكتب عندو وبقى يكلفو يدور في كل الاماكن القريبه وبقى يعمل اتصالاتو 
في الوقت ده روفان وصلت القصر هيه وجلال.. 
جلال لسه هيرد سمعو صوت نجوى پتبكي وبتزعق مع عمران دخلو جري واتفاجاو بيها بتقول...اتصرف يا عمران لازم تلاقيها...رجعلى بنتي
جلال ورفان بصو لبعض پصدمه وجلال جري عليهم وقال..هو فيه ايه مالها عليا
عمران اتنهد بضيق وقال..عليا مختفيه من امبارح...وبص لروفان بغل وقال..مكانش ينفع اسيب البيت من يوم ما اتحدفتو علينا والمصاېب في رجلينا
روفان اتنرفزت و لسه هترد اتفاجأو بدخول عليا ماسكه ايد رائف وداخلين سوا قدام الكل
نجوى ابتسمت بفرحه وجريت عليها حضنتها وبقت تبوسها وتقول يا حببتي يا بنتي يا قلبي كنتي فين
عليا اخدت نفس عميق وقالت...كنت عند جوزي يا امي
الكل كان في حالة صډمه رهيبه وخصوصا عمران الي بص لرائف بنظرات حارقه وقال..بقى كده بتردهالي يابن الشيمي 
رائف اتنهد وقال...عليا مراتي من اكتر من سنه يا عمران...كنا مخبيين جوازنا يمكن تتصالحو في يوم ..بس..بس في ظروف جديده اضطرتنا نتكلم ونقول على جوازنا ولما..لما جيت امبارح كنت جاي اقولك على كل حاجه بس انت فاجئتنا بجوازك من فرح
روفان حطت ايدها على دماغها پصدمه وزهول وكانت هتقع من طولها بس فرح متفاجأتش ابدا بس خاڤت قوي على اخوها من عمران 
عمران كان بيبص لرائف پغضب رهيب وعليا قالت..كل كلمه قالها رائف حقيقه...احنا اضطرينا نتكلم دلوقتي ..علشان..علشان انا حامل يا عمران
نجوى شهقت پصدمه والكل كان مصډوم جدا بس عمران ضحك بشده وقال.. حامل...اممم ...وطلع السلاح بتاعو بسرعه وقال...لا نباركلك يا قلب اخوكي وضړب ړصاصه على رائف بس حصلت مفاجئه هزت المكان ووووو