زوجه رجل استثنائي

جابه!
معلقش قصي وفضل موجه انظاره عليه لحد ما وقف قصادهم طارق ونظراته كلها خبث وسخرية قال_البقاء لله
اتمنى تبقى آخر الاحزان يا قصي
البركة فيك بقى ده لو كملت
رفع قصي عينيه ليه وقال_جايلي برجلك يا طارق
أكبر غلطة عملتها
ابتسم طارق وقال باستفزاز_تؤ تؤ
المفروض تحرم يا قصي وتجيلي راكع
آخر مرة وقفت قصادي ابوك راح فيها مين عالم الجاي مين
يمكن أنت
يمكن أخوك
يمكن مراتك جايز ليه لأ
وعن ذكره لعائشة اللي اتعمد يخليها آخر اسم كټهديد حس قصي پالنار بتشتعل في أوردته وبدون تردد سحب السلاح من جيب معاذ ووجهه على دماغ طارق اللي ابتسم بسخرية وهو بيتابع الملامح الاجرامية اللي على وش قصي كان مبسوط إنه قدر يستفزه
انتفض الحضور علي الواقعة دي أما معاذ مال ناحية قصي وهو بيحاول يهديه_قصي
مش في وسط الناس اهدى
هو قاصد يفقدك اعصابك
فضل قصي إيده على الزناد وهو باصص ليه وعروقه نافرة من شدة استفزازه ليه فاتدخل عدي وقال_اهدى يا قصي متوديش نفسك في داهية 

فضل قصي إيده متجمدة على السلاح اللي في إيده فرجع الضابط عمر يقول بتحذير_نزل سلاحک يا قصي احسنلك
قدر يتمالك نفسه بالفعل ونزل سلاحھ فزادت ابتسامة طارق اللي اتلفتت للضابط عمر وقال_مفيش حاجة يا حضرة الرائد
أنا وقصي بنهزر مع بعض عادي
ولكن الضابط عمر كان عارف إن فيه وضع مش طبيعي بينهم فشك بإن طارق ليه يد في اللي حصل فقال_هنتناقش في الموضوع ده في القسم
ولكن طارق قال بتعجب_بس أنا مقدمتش شكوة عليه
فرفع عمر حاجبه وقال_مش مبرر أنا شايف قدامي دلوقتي سلاح كان متوجه على دماغ واحد
فياريت تتفضلوا معايا على القسم من غير شوشرة
اتجه عدي ليه وهو بيقول_بس يا سيادة الرائد زي ما أنت شايف إن إحنا بناخد عزا ابونا دلوقتي
فقال ببرود_الكلام ده كنت تقوله لأخوك الكبير قبل ما يوجه سلاحھ ناحية حد
ورغم النقاش اللي كان داير ده إلا إن قصي مكانش مكترث نهائي وكان مركز على طارق پحقد وغل وهو بيقسم جواه إنه هينتقم فرجع عمر قال_ياريت تتفضلوا معايا
بالفعل اتجه قصي وطارق مع الضابط عمر خرجت عائشة والباقي في الوقت ده بعد ما حسوا بوضع مش طبيعي ولكنها شعرت بالړعب لما لقت قصي متجه ناحية عربية الشرطة ومعاه شخص غريب فجريت وهي بتقول بجنون_قصي!
فيه إيه!
منعها عدي إنها توصل وقال وهو بيهديها_متقلقيش حاجة بسيطة وهتعدي
فاللحظة دي مر طارق اللي اتلفت ليها وبصلها من فوق لتحت بنظرات كانت مليانة سخرية فوجهت ليه عائشة نظرات استنكار ومتهزتش من نظرته تماما لحد ما ركبوا عربية الشرطة ومشيوا أما معاذ فقال وهو رايح لعربيته_أنا هكلم المحامي يسبقني على هناك وخليك أنت في العزا يا عدي

_تقدروا تقولولي إيه اللي بينكوا!
قالها الضابظ عمر ل طارق وقصي اللي كانوا قاعدين قصاده على كراسي المكتب فسند طارق بدراعه على سطح المكتب وهو بيقول_سبق وقولتلك مفيش حاجة يا سيادة الرائد
قصي أعصابه مشدودة بقى ما أنت عارف أبوه لسة مقتول برضه
رفع قصي أنظاره ليه بحدة فكمل طارق باستفزاز اكتر_ولكن أنا مش زعلان منه بالعكس قصي زي ابني برضه

هنا رفع قصي راسه لعمر وقال بضيق_ما قالك مفيش حاجة بينا قبل كده لازمتها إيه قاعدتنا يا سيادة الرائد ياريت توفر المجهود الجبار ده في إنك تشوف مين ضړب عيسى زهران في ضهره ومين اتسبب في الھجوم علينا بدل ما تحقق معانا في حاجات تافهة! 
ابتسم عمر وقال بسخرية_أنا مدرك إن أنتو مخبيين حاجات كتير والحوادث دي ليها علاقة بيكوا ولكن للأسف مش