في بيتنا غريب الفصل العاشر

ياكل الأول  
خالتو جاوبت برجاء لو تعرفى تقنعيه يبقى ليكى جميله مش نسيهالك ! 
متكلمش و ملامضش كالعادة هنا اتاكدت أنه بجد مش قادر و قلبى وجعنى عليه
فتحت اوضته إلى كانت فى حاله من الفوضى .. و حطيناه على السرير .. 
خالتو ساعدته أنه يقلع جاكته و أنا فتحت الشباك وأنا بتحاشى أنى ابصلهم بكسوف .. 
لما خلص خالتو راحت تجبله ماية و كام حاجة من تحت وأنا فضلت واقفة ببصله بقلق 
قال بتبصيلى كدا ليه مش بمۏت يعنى ! 
رديت بسرعة لو قولت كده تانى هزعلك ! 
ضحك رغم تعبه على نبرتى الطفوليه وقال ده إلى هو إزاى !
جاوبت وأنا بحاول اعدل الاوضة على قد ما اقدر و الم الكتب و الورق إلى على الأرض معرفش .. اكتشف أنت ساعتها ! 
ابتسم و سكت شوية و هو بيبص للسقف بعدين قال شكرا 
اتحمحمت و بصتله لا مفيش داعى للشكر بس هيكون كويس لو تقوم دلوقتى تاكل و لو شىء بسيط ..  سراج و دا علشان إيه  
ريحانه علشان خاطرى .. 
بصلى لثوانى و حط إيده على وشه طيب .. لكن بلاش سكريات قولى لماما هى عارفة . 
عيونى لمعت و هزيت راسى بفرح. و جريت على بره بسرعة علشان مديلوس فرصة أنه يغير رأيه 
تحت كانت خالتو واقفة جريت ناحيتها وأنا بقولها اعمل أى لسراج ياكله 
رفعت حواجبها بدهشه .. واضح أن لأول مرة فى تاريخ البيت ده سراج العندى ده يغير رأيه فى حاجة ! عملت حاجة بسيطة و طلعت عنده .. 
كان مغمض عينه اتحمحت لكنه مردش افتكرته نام .. 
فجأة فتح عينه خلانى اټفزعت و اتنطرت تلاته مرت ورا .. قولت بحرج شديد علشان إدارى كسفتى ل لما أنت صاحى مبتردش عليا ليه  
إبتسم و دا اغرب رد فعل يطلع منه على الموقف و قال معلش.. مخدتش بالى . 
قعدت قدامه وأنا ضربات قلبى بتزيد شوية بشوية .. و راقبته وهو بياكل كنت حريصة أنه ياكل كويس على الأقل اكون عملت لتعبه حاجة .
لاحظ مراقبتى ليه .. رفع حاجب و بصلى بتساؤل 
منزلتش نظرى و بصتله سراج أنت قولت قبل كده أنى ضيعت منك صحابك منهم صاحب عمرك .. بغض النظر أن دول ميصلحوش كأصحاب و أنى مش ندمانه أنى طلعتهم من حياتك لكنى .. لكنى عايزة ابقى صديقة لك أول صديقه حقيقية بعيد عن كل الأشكال دى 
بحلق فيا بعيونه .. و كان على تكه ويشرق ناولته كوباية الميه و شوفت وشى إلى عامل زى الطمطاية فى إزازها 
شرب بسرعة و قال بصوت سحرنى صوت حنين أول مرة يطلع منه ريحانه دا أسعد حاجة سمعتها من مده طويله ! 
بلعت ريقى بتوتر و قومت مشيت من قدامه علشان كان قلبى هينفجر روحت
 على اوضتى عدل و رميت نفسى على السرير وأنا بخبى وشى فالمخده و بسأل نفسى منين جبت الجرأة دى كلها ! 
الصبح 
قومت متأخرة عن العادة 
لأنى فضلت اتقلب على السرير امبارح و معرفتش أنام بسهوله جهزت نفسى بسرعة و طلعت برا وأنا بتلفت حواليا 
كنت اتمنى اشوف طيف سراج حواليا بخير .. لكنى ملمحتهوش 
روحت بهدوء خبطت على باب اوضته و أنا برتب الكلام إلى هقوله فى دماغى قدامه لأنى مجرد ما عينى بتيجى فى عينيه فيه كوارث بتحصل ! 
وأنا بخبط الباب اتفتح لانه مكنش مقفول كويس 
كنت مبتسمة و لكن ابتسامتى تلاشت فى لمح البصر لما شوفته على السرير واقفة بنت لابسة جيبه قصيرة 
اټصدمت و وشى احمر و .. 
يتبع