تربيه حواري

من شرودها على صوت امها
حور ها بتقولي ايه يا أما
هدي بإستغراب مالك ممققه عينك في الورق اللي قدامك وسرحانه في ايه
حور لا يا أما سلامتك دانا براجع حسابات الشغل الشهرين اللي فاتوا
هدي ربنا معاكي يا ضنايا ويحميكي ويكفيكي شړ أولاد الحړام قادر يا كريم
حور بابتسامه اللهم امين ربنا يخليكي ليا يا أما بالحق اعملي حساب البت شذا بكره على الغدا معانا واعمليلها محشي وملوخية وبط وفراخ طفسه وانا عارفاها
هدي بتردد بس يا بنتي مينفعش
حور بإستغراب مينفعش ايه يا هدي
هدي بتوضيح مينفعش المحشي وابوكي الله يرحمه ليه اسبوعين مېت مينفعش قبل الأربعين الناس هتاكل وشنا يا ضنايا
حور بإندهاش ايه علاقه الأكل بالمېت يا هدي مش فاهمه
هدي بصبر عيب مينفعش المحشي والسمك يا حور الا بعد الأربعين عادات يا بنتي والناس خدت عليها
حور بتفهم طيب يا أما أنا هانزل دلوقتي اجيبلك الحاجات في العربيه من السوق الكبير واحطها في كيس اسود علشان محدش يشوفها واظن الريحه الناس محدش هايعرف مين اللي طابخ تمام يا هدهد
هدي بقله حيله لله الأمر من قبل ومن بعد حاضر يا ضنايا هاتي الحاجه في الدرا كده وانا هاعملك اللي يشرفك
حور ضمت امها في حضنها تسلميلي يا ست الكل اللحق انا اروح اجيب الحاجات
ونزلت حور ساعه وكانت جابت كل الطلبات ودخلتها المدخل وقفلت الباب
حور يا هدي تعالي شيلي معايا
هدي ايه كل الأكياس دي
حور فاكهه وطلبات للبيت يا أما اخلص بقى وحولي الحاجات معايا
هدي طيب يا حور
حور بعنين مبحلقه لا والله طيب حقك عليا يا غاليه المره الجايه هاتنحنح بتعملي ايه بقى من النجمه
هدى بجهز المحشي عملت التقليه وأهي على الڼار بتتسبك وسلقت الكرنب ووضبت ورق العنب وبقور الكوسه والبنتجان
تعالي بقى ارطفي الملوخيه على ما اخلص
حور لا والله بتدبسيني يعني
هدى بشخطه اخلص يا بت بقى ۏجع في مصارينك انا لسه هالف واحشي يا اختي داه بدل ما تقولي خليكي يا أما وانا اللف عنك
حور بذهول الله صلاه النبي بتجبيها في اربيزي يعني اه وماله يا اختي هارطف الملوخيه مأرطفشي ليه هو انا صغيره بدل ما القيكي دبستيني منا عارفاكي يا هدي
هدى بإبتسامه ربنا يرضى عليكي يلا بقى علشان اللحق اخلص
خلصت هدى لف كان وقت صلا الجمعه
يلا يا حور نصلي وانا هاجي ازود يكون البط استوى
حور طيب ما تزودي من مرقه الفراخ مهي استوت أهي وخلصت
هدى بشرح وتوضيح لا هازود من مرقه البط مرقه البط دسمه ووشها سمن تخلي المحشي مفحفح ووشه بيلمع يلا بقى وبلاش عطله
حور بإندهاش يلا
اتوضوا وصلوا وقامت هدى تكمل الأكل ورن تليفون حور
حور ايوه يا هندسه وصلتي فين
شذا انا على اول الحاره أهو
حور طيب هافتحلك الباب
دقيقه وكانت حور في حضڼ شذا ومتبته فيها
شذا البقاء لله
حور ونعم بالله وهي لسه في حضنها
شذا بضحك علشان تخرج حور من جو الحزن اللي فيه تعالى في حضڼ اخوك يا فواز
حور بإبتسامه لسه زي ما انتي مش هاتتغيري
دخلوا الاثنين وسلمت شذا على هدى
شذا البقاء لله يا طنط
هدى بۏجع ونعم بالله يا بنتي
شذا بشمشمه اممم الله أكبر محشي يا جدعان انا شامه الريحه من على اول الحاره وصقفت بيديها يا هدي يا جامده
هدى من المطبخ