احرقني الحب

تعرفه هديل جيدا فخرجت تجر قدميها ناحيته وحين رآها نهض وهو يبتسم كويس يا حبيبتي أنك جيتي يلا على بيتنا.
تقدم وأمسك بيدها فأسرعت والدتها وهي تمسك بيدها الأخرى تقول بإصرار بقولك البنت مش هتخرج من هنا كفاية لحد كدة.
نظر لها ظافر بابتسامة خفيفة وفي لحظة دفع يدها پعنف عن هديل حتى تراجعت للوراء وكادت أن تقع لولا لحقها زوجها وهو يسندها.
صړخت هديل بهلع ماما.
حاولت الذهاب إليها إلا أن يد ظافر التي تمسك بها منعتها.
قال رضوان بانفعال إيه اللي بتعمله ده أنت بتمد إيدك على مراتي في بيتي! أنا بنتي مش هتخرج معاك أنا غلطت يوم ما جوزتها ليك وسكت.
قال ظافر بتهكم لا حلو أوي الشغل ده أنت نسيت الاتفاق اللي بيننا ولا إيه ولا نسيت اللي المفروض يتم قريب ومقولتش لبنتك
تجهم وجه والدها بشدة وصمت بينما قالت هديل بحيرة بينا تنتقل بنظراتها بين والدها وظافر مقالش إيه
وجه ظافر نظراته إليها وقد ابتسم بمكر عملية أخوك التانية
رددت هديل باضطراب عملية لإياد هو مش كان خف 
شرح ظافر بجفاء لا محتاج عملية تانية علشان قلبه ضعف تاني وطبعا دي مبلغها أكبر من اللي قبلها ولازم تتعمل في أسرع وقت وطبعا ده مش هيتم لو فضلتي هنا ولا إيه يا حمايا
ثم تابع بنبرة ټهديد وقد توحش وجهه ده غير أني هخليكم على الحديدة أبوك ده هخليه قاعد في البيت زي الستات ومش هيلاقي حتى شغل يأكلكم عيش حاف لا أنت ولا أخواتك وأبقي اتفرجي على أخوك وهو بېموت.
مرة أخرى كان الاختيار واضح أمامها فتبلدت مشاعرها وأجابت بوجه جامد هلبس وجاية
راقبها والديها بعجز وقد نكس والدها نظره بعيدا بخزي وضعف وهذه المرة اعترف لنفسه أنه فشل كأب.
عادت معه هديل للمنزل دفعها بمجرد ما أصبحوا في الداخل يقول بضجر يلا ادخلي اعملي لي العشا ومتتأخريش وإلا أنت عارفة اللي هيحصل لك.
دلفت بصمت للمطبخ تحضر العشاء حتى أرادت تبديل ملابسها فخطت لغرفة النوم وقفت فجأة خارج الغرفة حين سمعت ظافر يتحدث كان باب الغرفة شبه مفتوح ولكنها استطاعت سماع صوته بوضوح.
تجمدت پصدمة مكانها كان واضحا أنه يتحدث لشخص على الهاتف.
ضحك ظافر بنبرة خبيثة معاك حق لازم الشحنة دي تتم على خير دي هتبقى أكبر صفقة لينا وضړبة الحظ اللي هترفعنا لفوق .
استمع للطرف الآخر ثم أجاب بدهاء لا لا لا متخافش أنا مأمن كل حاجة بنفسي وهو مين يتوقع أنه الخشب والموبيليا اللي رايحين جايين دول يكون فيهم مخډرات!
يتبع.