حب في موسم الجفاف الفصل الثامن

مريض... صح
فا رد احمد 
وقال ...ايوه فعلا
اخويا فكري كان مريض جدا كمان
فا سالتة تاني باصرار
وقلتلة
انا عايزة اعرف طبيعة مرض فكري اخوك
فا رد احمد 
وقالي ..
فكري كان بيعاني من مرض نفسي...
اثر علي قواه العقلية
ولما حالتة زادت
دخلناه مصحة للامرض العقلية 
وهناك كان بياخد كهرباء بزيادة
ودا اثر علي دماغة اكتر
لغاية ما فقد عقلة بالكامل
وهنا سالتة پغضب
وقلتلة...
ولما اخوك كان بدون عقل ازاي وافقتوا انكم تجوزوه
فا رد احمد
وقالي...انا مكنتش اعرف حاجة عن موضوع الجواز دا
كل الي حصل
اني عرفت ان فكري خرج من المستشفي...ولما روحت اطمن علية
ساعتها اتفاجئت بجليلة
وهي بتقولي...
فكري اخوك عايز يتجوز
في الاول كنت فاكرها بتتريق علي فكري
فا اخدت الموضوع بتهريج
ونسيتة بعدها
لكن بعد فترة
عرفت ان اخويا ماټ في ليلة فرحة بالفعل
بعدما انتهي احمد من كلامة
فضلت بيني وبين نفسي
اكرر المعلومة الي احمد قالها عن اخوه
وقلت لنفسي
...فكري كان مريض بمرض عقلي
يعني فكري كان بدون عقل
يبقي الجزء المهم الي كان ناقص في فكري
هو ...العقل
زي ما امي قالتلي
وفي اللحظة دي
ضړبت بايدي علي راسي
وقلت...اخيررررا 
اتحل لغز من الالغاز الي في الرسالة
فا هز احمد راسة
وقالي...دي الحقيقة فعلا
انتي كده وصلتي لاول اجابة وتفسير للغز الي في الرسالة
وعرفتي ايه الحتة الي كانت ناقصة في اخويا فكري
في اللحظة دي
رجعت اسأل احمد تاني
واقولة...لكن ايه الي يخلي جليلة تجوزني لاخوك وهي عارفة انه مريض بعقلة
وكان مفروض احمد يرد علي سؤالي 
لكن ..احمد غير الكلام بسرعة
وقالي..
مفيش وقت للكلام
ودلوقتي بعدما جاوبت علي سؤالك
اتفضلي بقي امشي زي ما وعدتيني
في اللحظة دي
كنت حاسة بالرضا لاني وصلت لاول لغز في الرسالة
وكنت حاسة اني لو ضغطت علي احمد شوية ..
هقدر اوصل لحل باقي الالغاز
فا رجعت اسال احمد
تاني
وقلتلة ..
سؤال تاني معلش
واوعدك اني مش هسأل تاني 
و همشي بعد ما اعرف اجابة السؤال مباشرة
فا رد احمد بعصبية
وقالي...مفيش اسألة تاني
واتفضلي امشي من هنا حالا
قلت ..مش همشي غير لما ترد علي سؤالي الجاي
لاني هتجنن لو معرفتش اجابة السؤال دا بالذات
ولما لقيت احمد سكت ومردش عليا
كملت في طرح اسألتي
وقلتلة...
السؤال عن عمر اخويا
عايزة اعرف
عمر راح فين
مريض ..ولا ماټ ..ولااختفي واختفي فين
وهل فعلا عمر كان حامل
وحمل ازاي ومن مين
وهل فعلا الشمبانزي الي كان منيمة جنبة ...
يبقي هو المولود بتاعة
وازاي عمر يحمل وهو راجل
هو الراجل عنده رحم 
عشان يحمل اصلا 
ولية جليلة قالتلي ان الجان هما الي ورا حمل عمر...
وورا كل الحاجات الغريبة الي بتحصل هنا 
وبعدين هو في عفاريت اصلا
ولو في عفاريت وجن بجد
ليه بابا نفي الكلام ده
و قالي
ان الجن و العفاريت ملهمش وجود
ودي كدبة من جليلة
ورجعت اسال احمد تاني
مع انه مكنش بيرد عليا
وقلتلة...
و طالما موضوع الجن كدبة
لية القرد الي كان في غرفة جليلة كانت تصرفاتة معايا غريبة 
وليه جليلة قالتلي ...
ان الشمبانزي والقرد مسحورين

ولية جليلة كانت مصممة
اني.. اتمم ډخلتي عليك 
ولية ..........

واثناء ما كنت بكمل اسألتي الي مكنش لها نهاية
لاحظت...
اني سألت احمد