صدفه

اتفضل خش الصالون على يمينك..
أنس
اتفضلي شوية حلويات وكده..
رقيه ابتسمت
تعبت نفسك يا ابني..احم..قومي معايا يا بسمه عاوزاكي فكلمتين..
بسمه مشيت وراها..
رقيه
بتعرفي الولد ده منين
بسمه بتوتر
معرفهوش يا ماما..أكيد شافني من البلكونه..
رقيه
بلكونة ايه هتستعبطي..خشي اوضتك البسي حاجه عدله و مشطي شعرك على الأقل!!..أكيد جاي يتقدملك..
بسمه
حاضر حاضر بالراحه عليا..أنا رايحه أهو..
أما بالصاله فكان قاعد أنس وھيموت على نفسو من الضحك..
دخلت سهام المطبخ عند حماتها وقالت باستغراب
مين الشاب اللي قاعد في الصاله يا حماتي
رقيه
معرفش يا بنتي بيقول انو عاوزني فكلمتين بخصوص بسمن بنتي..أكيد عريس وعاوز يتقدملها..
سهام عوجت بقها بغيره
عريس آآه..وكملت بخفوت ده ولا نجوم السينما لأ وكمان جاي فعربيه آخر موديل..يا بنت المحظوظه يا بسمه ويا حظك الۏحش يا سهام..
رقيه اتصلت بزياد عشان ييجي يقعد معاهم وحضرت العصير وقالت بترحاب
أهلا وسهلا يا ابني..اسفين لو اتأخرنا عليك..
أنس رد بابتسامه
لأ خدو راحتكم..هي الآنسه بنت حضرتك فين
بسمه قعدت جمب مامتها
أنا هنا..
هز راسه بابتسامه فقالت مامتها
نعم يا ابني انت قولت انك عاوزني بخصوص بسمه بنتي مالها
أخد نفس عميق وبسمه غمضت عيونها بانتظار أما سهام فبصتلهم بقرف..
أنس
أنا جاي النهارده طالب ايد الآنسه بسمه للجواز..
بسمه پصدمه
عملتها يا ابن شروق!!..واغمى عليها من الفرحه..