ملك

ساعتين على طريق زراعي مقطوع قريب جدا من محافظات الصعيد 
كان فاضل حوالي ساعتين على صلاة الفجر وفريدة لسه فاقده الوعي ومش حاسه بأي حاجة 
الامطار نزلت عليهم وهما في الطريق والرؤيا تقريبا انعدمت وكان السواق وجنبه واحد من الخاطفين قاعدين قدام في العربيه وفريدة فاقدة الوعي ورا وجنبها واحد من الخاطفين 
العربيه بدأت تعمل اصوات غريبه وسرعتها تبطئ واتعطلت فجأة في نص الطريق 
اتكلم السواق بزهق هو ده اخرة السواقه في الشتا 
الخاطف اللي قاعد جنبه ما تنزل يا عم شوف المخروبه دي اتعطلت ليه هي كمان احنا مش ناقصين عطله 

نزل السواق وفتح العربيه من قدام وكان بيبص فيها وبيدور على المشكله اللي وقفت العربيه ومش لاقي سبب واضح نزل الخاطف الاول عشان يساعده ومعرفش وندا للخاطف التاني اللي كان قاعد ورا مع فريدة وقاله يقعد مكان السواق ويجرب يشغل العربيه 
فريدة كانت بدأت تفوق واحدة واحدة على اصواتهم العاليه واصوات المطر والبرق والرعد وكانت حاسه ببروده غريبه 
فتحت عينيها وهما كانوا بيتكلموا مع بعض ومشغولين في تصليح العربيه ومطمنين ان البنت فاقده الوعي!
فريدة اتعدلت في قعدتها جوه العربيه وبصت عليهم وبسرعه افتكرت اللي حصل وان دول هما اللي خطڤوها وكانت لسه هتصرخ بس بصت حواليها لقت ظلام وطريق مقطوع ومفيش حد غيرهم على الطريق وخاڤت منهم اكتر وبصت قدامها وفكرت انها لازم تستغل انشغالهم في تصليح العربيه وتهرب منهم بسرعه 
استغلت فعلا انشغالهم ونزلت من العربيه بحذر وبدون ما يشعروا بيها مكانتش تعرف هي فين ومستحيل كانت تفكر انها خارج القاهرة وفكرت انها على طريق جوه القاهرة بس الطريق فاضي لان في مطر كتير والناس خايفين من المطر 
اول لما خرجت من العربيه حست ببروده شديده بس كل اللي كان يهمها في اللحظة دي انها تهرب منهم قبل ما يحسوا بيها وكانت بتبعد عنهم بخطوات حذره جدا على الطريق الزراعي اللي عربيتهم اتعطلت فيه
وبدأت تجري اسرع على الطريق اللي كله كان ضلمة ومش واضح له بداية من نهاية 
بعدت عنهم بمسافة بسيطه وفجأة سمعت صوت العربيه اشتغلت معاهم وعرفت انهم نجحوا في تصليحها وفي اللحظة دي خاڤت انهم يرجعوا ياخدوها تاني ونزلت بسرعه جوه ارض زراعيه وكان المحصول اللي فيها عالي وفريدة مش باينه جواه وبدأت تجري جوه الارض وهي مړعوبه ومش عارفه نهاية الأرض دي ايه!
الخاطفين شغلوا العربيه والخاطف اللي كان قاعد مع فريدة رجع عشان يقعد مكانه ورا لكنه ملقاش فريدة مكانها وبص حواليه كان المكان فاضي جدا وبدأ يزعق في زمايله وقالهم البت هربت 
اتفزع الخاطف الاول وسأله هربت ازاي الله يخربيتكم دا الباشا هيودينا كلنا في داهية بقلمي ملك إبراهيم 
يتبع 
فريدة هربت وجريت في طريق متعرفش هيوصلها ل فين تفتكروا ايه اللي منتظر فريدة في الطريق ده تفاعل حلو بقى اظهروا كده وشجعوني وصلوا البارت ل 3000 تعليق
الحلقة 15
تاني حب
بقلم ملك إبراهيم حصريه وجديده 
ملقاش فريدة مكانها وبص حواليه كان المكان فاضي جدا وبدأ يزعق في زمايله وقالهم البت هربت 
اتفزع الخاطف الاول وسأله هربت ازاي الله يخربيتكم دا الباشا هيودينا كلنا في داهية نزلوا التلاته يجروا حوالين العربيه ومش لاقين لها اثر 
عند فريدة 
جريت كتير جوه الأرض وتعبت من كتر الجري لدرجة انها بدأت تشك ان الارض دي ملهاش نهاية وكانت ھتموت من الړعب والهلع من الظلام اللي حواليها ومن الخاطفين اللي ممكن يمسكوها ويخطفوها تاني ومش لاقيه اي حد ينقذها وتليفونها وكل حاجتها كانت في العربيه مع كامل 
وقفت فجأة قدام بيت كبير وسط الاراضي البيت كان يشبه القصور المهجوره وكان لوحده وسط أرض زراعيه كبيره ومفيش اي مباني تانيه حواليه وجود البيت زرع في قلبها الامل وتوقعت ان اهل البيت هيساعدوها 
جريت على البيت بسرعه ووقفت تخبط على الباب الخشب الكبير ولقته اتفتح مع الخبط عليه اندفعت للداخل وهي ھتموت من الهلع وخاېفه ان الخاطفين يمسكوها تاني دخلت جوه البيت وهي بتنادي بصوت خاڤت لو سمحتوا في حد هنااا
سمعت صدى صوتها جوه البيت وده خۏفها اكتر وخصوصا انها بصت جوه البيت كان ضلمة ومش شايفه جواه حد! 
حاولت تنادي مرة تانيه بصوت أعلى لكنها سمعت مرة تانيه صدى صوتها جوه البيت واتجمدت مكانها من شدة الخۏف 
بقلمي ملك إبراهيم 
في نفس الوقت على نفس الطريق لكن بمسافه بعيدة كان في عربية ماشيه وجواها شاب والمحامي بتاعه كان قاعد جنبه وكانوا راجعين من محافظة الإسكندرية واتكلم الشاب مع المحامي ياريت يا استاذ محي تكمل انت باقي الإجراءات وتخلص موضوع الارض ده في أسرع وقت الأرض دي مش هتروح لعيلة زيدان سامعني 
رد المحامي عيلة زيدان عملوا المستحيل عشان ياخدو الأرض دي وخصوصا انها في نص ارضكم ووالدك الله يرحمه حاول كتير يشتري الأرض دي من صاحبها بتاع اسكندريه والراجل كان رافض بس انت ماشاء الله عليك قدرت تقنعه وتتفق معاه على شړا الارض صحيح اللي خلف مامتش وتستاهل تكون كبير عيلة الراوي 
الشاب بص قدامه وقال باصرار عيلة الراوي هيفضلوا كبار البلد واللي ابويا وجدي بدئوه انا هكمله 
فجأة وقف بالعربيه لما شاف شئ في نص الطريق قاطع عليهم الطريق 
المحامي وهو بيبص على الطريق بقلق ايه اللي حاطينه في نص الطريق ده
الشاب بص حواليه وكان الطريق فاضي وفجأة حصل ضړب ڼار عليهم وهما جوه العربيه بص پصدمة جمبه للمحامي اللي اخد رصاصة في صدره في لمح البصر وفارق الحياة دور الشاب على سلاحھ الخاص وافتكر انه مكنش واخده معاه وهو مسافر اسكندرية وهو دلوقتي قدامهم من غير سلاح وهما بيضربوا عليه ڼار من جميع الاتجاهات 
فتح الشاب باب العربيه بسرعه ونزل منها والړصاص بيتضرب عليه من كل مكان وبدأ الشاب يجري
وهو بيحمي نفسه ومش فاهم مين اللي اتجرؤا وعملوا مع كبير عيلة الراوي كده وبدأ يجري جوه الاراضي الزراعيه وهو بيهرب منهم وبيتخفى وسط المحاصيل العاليه 
في الوقت ده اللي كانوا خاطفين فريدة بيدوروا عليها في كل مكان على الطريق اللي هربت فيه وفجأة سمعوا صوت ضړب الڼار جاي من على الطريق وبيزيد اكتر وبيقرب منهم خافوا انهم يكونوا شرطة وركبوا عربيتهم بسرعه واتحركوا بيها بعيد عن الطريق وكملوا طريقهم لبيت الجبل من غير فريدة 
الشاب فضل يجري وسط الاراضي الزراعيه وبعد مسافه كبيرة من الجري شاف بيت وسط الاراضي وجري على البيت وكان الباب مفتوح 
فريدة كانت جوه البيت پتبكي وقعدت على الأرض ضامه جسمها پخوف ومش قادرة تتحرك من مكانها بعد ما اكتشفت ان مفيش حد جوه البيت ده غيرها وواضح انه بيت مهجور من زمان وكان بيشبه بيوت الأشباح اللي كانت بتسمع عنها وخاڤت تخرج منه خصوصا لما سمعت صوت ضړب ڼار من مسافة قريبة وتوقعت انهم اللي خاطفينها بيدوروا عليها وهما اللي بيضربوا ڼار 
الشاب دخل البيت وهو بيجري وبيلتقط انفاسه بسرعه 
فريدة شافت خيال لشخص بيقرب منها بسرعه وقامت من مكانها پخوف وصړخت 
الشاب جري عليها بسرعه وحط ايديه على شفايفها عشان يكتم صوت صړاخها وهمس لها اهدي مټخافيش انا مش هأذيكي 
كانت حاسه ان هيغمى عليها وبصت للشاب پخوف وهو بص في عيونها اللي بتلمع بالدموع وكان لسه كاتم صوتها بإيديه وهي بتبصله بهلع وعيونهم اتقابلت للحظات والشاب اتكلم معاها بهمس وكان فاكر انها صاحبة البيت مټخافيش انا بهرب من اللي بيضربوا عليا ڼار ومش هأذيكي هشيل ايدي بس متصوتيش اتفقنا 
هزت راسها وهي بتبصله پخوف والاضاءة كانت شبه منعدمه جوه البيت الشاب رفع ايديه عن شفايفها وهي همست پخوف يعني انت مش عفريت
الشاب بصلها بدهشة وقال اكيد لا يعني هو انا لو عفريت هخبي عليكي ليه!
فريدة پبكاء طب حرامي
الشاب عندك حاجة مهمة ينفع تتسرق
بصتله پصدمة وهو اتكلم مرة تانيه وقال يا ستي انا لا حرامي ولا عفريت انا مصطفى الراوي كبير عيلة الراوي اللي في البلد اللي جنبكم هنا 
ردت پخوف انا معرفش حاجة هنا انا كنت مخطوفه وهربت منهم ولقيت البيت ده دخلت فيه ولقيته فاضي 
اتكلم پصدمة كنتي مخطوفه!! مين اللي كانوا خاطفينك
قبل ما ترد عليه سمعوا صوت ضړب الڼار قرب جدا من البيت ومصطفى حط ايديه على شفايفها عشان متنطقش وهمس لها شكلهم تحت البيت مش عايز صوت او حركه 
هزت راسها پخوف وهو بعد عنها وقرب من شباك البيت بحذر وبص على تحت وشاف رجاله لابسين لبس صعيدي ومعاهم اسلحة وعرف انهم اكيد تبع عيلة زيدان وعايزين يخلصوا منه عشان يستولوا على الأرض 
رجع قرب منها بخطوات حذره وهمس لها هما
تحت البيت دلوقتي ومش بعيد يدخلوا يدوروا عليا هنا والمشكلة ان مش معايا سلاح 
بصتله پخوف وسألته هما اللي تحت دول اللي عايزين ېقتلوك ولا اللي كانوا خاطفيني
رد بثقة اكيد اللي عايزين ېقتلوني بس لو طلعوا هنا هيقتلونا احنا الاتنين 
فريدة بكت پخوف وقالت بس انا مش عايزة اموت دلوقتي 
رد عليها بغيظ يعني انا اللي قاطع تذكرة وعايز اموت بدري اهدي شويه وسيبيني افكر 
دور على تليفونه في جيوبه ملقهوش وتوقع انه اكيد وقع منه وهو بيجري 
سألها انتى معاكي تليفون
ردت لا مش معايا 
هز راسه وقالها طب هاتي ايديكي 
ومد ايديه ليها عشان يمسك ايديها وهي بصتله پخوف وهو اتكلم مرة تانيه مټخافيش هاتي ايديكي 
حطت ايديها في ايديه وهو سحبها وراه بحذر وكان البيت ضلمة جدا ومش شايف بوضوح بس كان شايف ان في كراكيب في ركن بعيد ينفع انه يخبيها وسط الكراكيب دي واخدها لحد الركن ده وقالها بهمس اقفي هنا ورا الحاجات دي ومتتحركيش مهما حصل حتى لو
قتلوني متعمليش اي صوت لحد ما يمشو وانتي اهربي سمعاني 
بصتله پخوف وقالت هما ممكن ېقتلوك
رد ببساطه الاعمار بيد الله خليكي هنا ومتتحركيش 
واخد لوح خشب كان وسط الكراكيب وبعد عنها خطوتين وبعدين رجع بصلها وسألها بفضول مقولتليش اسمك ايه
ردت پخوف فريدة اسمي فريدة 
رد بابتسامة وانا مصطفى اسمي مصطفى 
كمل خطواته اتجاه باب البيت وفي نفس اللحظة كان واحد من اللي عايزين ېقتلوه بيفتح باب البيت عشان يدور عليه جوه 
وقف مصطفى ورا الباب وهو ماسك لوح الخشب واول لما الشخص اللي داخل يدور عليه دخل البيت مصطفى ضربه ب لوح الخشب على دماغه بكل قوته ومع الضربه الشخص ده كان معاه سلاح في ايديه ضړب منه ړصاصه وهو بيقع وفريدة اول لما سمعت صوت الړصاصه العالي قريب منها صړخت پخوف وفقدت الوعي 
صوت الړصاصه مع صوت صړاخ فريدة جذب باقي الرجاله للبيت ومصطفى اخد السلاح اللي واقع على الأرض من الشخص اللي ضربه وبدأ يضرب عليهم