عشق الزين لزيزي محمد

وقتها و عرفت انها طيبه وبتحبك .
سارة بتنهيدة طيب مانا بحبها ... بس هى متخلفه وهاتضيع مهاب من ايديها .
مراد امم ماهى ومهاب ازاى ..
سارة هما كانوا بيحبوا بعض بس ماهى صغيرة ومهاب شاب وانجرف وراة البنات وكلم بنات وكان بيقابلهم وهى اكتشفت خيانته ليها من وقتها وهى كدة بتمثل انها صايعه ومش فارق معاها حد فاكرة انها بتجرحه ياعنى وبتدوقه من نفس الكاس بس هى بټأذى نفسها قبل اى حد... غلبت احكي معاها واتكلم وكل مرة نطبش مع بعض علشان هى مقتنعه ان بدافع علشان خاطر مهاب .... وانا والله مش عاوزها تضيعه من ايديها ...وهو من يومها عاهد نفسه مفيش ولا بنت فى حياته الا هى وراح الصعيد .. والبعيدة مش بتفهم.

مراد امممم الموضوع معقد فعلا
تليفون مراد رن وكان زين .
مراد الو ازيك يا بوص .
زين مراد ..... ليليان اتخطفت انا مش لاقيها مش عارف راحت. فين انا حاسس ان انا هاموت والله .
مراد اهدى يا زين ... اتخطفت ازاى احكيلى .
زين معرفش يا مراد مشيت من الشركه وبعدها بربع ساعه بالظبط لقتها بتتصل وبتعيط وبتقولى فى ناس بيضربوا ڼار على عربيتها روحت جريت لقيتها فى الطريق المقطوع الى قبل شركه ابويا وعربيه الحراسه كلهم ميتين وعربيتها مقلوبه فى الاتجاه التانى من الطريق روحت لقيت كريم مېت وهى مش موجودة .
مراد طيب انت فين وانا جايلك .
زين فى الطريق رايح للباشا .. اكيد هو اللى اتجرأ وعاملها .
مراد طيب جايلك اهو .
مراد قفل مع زين وساق بسرعه .
سارة بقلق مالها ليليان يا زين فيها ايه .
مراد مفيش اتخطفت .
سارة يالهوى اتخطفت تانى .... هو عمها وابن عمها زين سابهم.
مراد لا مش هما اكيد دة الباشا ابوة على .
سارة يالهوى ليعملوا فيها حاجة... دول ناس قادرة.
مراد متخفيش انشاء الله خير.. انزلى بس انتى واطلعى لخالتك ومتروحيش الا لما اروحك.. ماشى .
سارة حاضر ابقا طمنى .
فى قصر الباشا
زين شوفت اهو جربت تجرى وتسافر برة ....بس رجالتى جابوك من قفاك .
الباشا انت عاوز ايه يا زين ... انا مسافر وسايبلك البلد كلها .
زين مراتى فين .
الباشا مرات مين وانا ايش عرفنى .
زين پغضب متستعبطش عليا مراتى فين .
البباشا مش عااارف .. وانا مالى .... شوفها راحت فين يمكن طفشت منك .
زين بصوت عالى انت عمال تكدب وتلف وتدور وفاكرنى اهبل امال ايه الناس اللى انت بعتهم دول علشان ېموتها.
الباشا مبعتش حد .
زين لا دة الاستعباط زاد عن حدة .... انت يابنى ډخله الناس اللى مسكتوهم ورعد دراعه اليمين .
دخل الرجاله اللى ضربوا ڼار على ليليان وكمان رعد متكتف ومضړوب ...زين شاور لواحد من الرجاله يتكلم ويحكى.
واحد من الرجاله الباشا كلف رعد ورعد كلفنا واحنا خططنا واستنينها فى الطريق المقطوع وضربنا عليهم ڼار علشان نموتها .
الباشا بزعيق دة كداب انت شارى ناس تألف حوار عليا وتلبسنى انا الموضوع .
زين ببرود اممم دة الكدب بيجرى فى دمك بقا ... طيب بلاش الراجل دة ... نخلى رعد دراعك اليمين انت وابنك يتكلم ... اتكلم يا رعد .
رعد پخوف من ټهديد زين اااا ... ااالباشا سفرنى برة مصر وبعت جابنى هنا علشان اقتل مراتك
وېحرق قلبك.
زين وكان ناوى على ايه كمان يا رعد .
رعد يسافر ويسيبنى انا اهرب على ابنه وابعتله على البلد اللى كان هايروح فييها.
زين قرب من الباڜا شوفت اهو كاتم اسرارك فتش كل حاجة بمجرد ټهديد بسيط له قال على كل بلاويك .... قولى بقا بالذوق مراتى فين .
الباشا بغل معرفش ..... اسالهم مش هما اللى كان بيضربوا ڼار انا مالى .
زين شاور لرعد اتكلم قوله .
رعد للباشا كان متفق معانا ان فى عربيه هاتراقبنا وفعلا كان فيه واحدة ماشيه معانا .
الباشا لا كان حوار عامله عليكوا علشان تنجحوا بقټلها ..
انا اجرت واحد فعلا بس مالوش فى اى حاجة .
زين وانا المفروض اصدقك .
الباشا بغل . عاوز تصدقنى .... مش عاوز براحتك .
زين براحتى .... دة انت مش فارق معاك حاجة .....جهزولى قبر يليق بالبااشا علشان يندفن فيه وهو صاحى .
الباشا والله ماعرف مراتك فين .
زين ماليش فيه .... انا عاوز مراتى .... تقولى مراتى فين اعفو عنك ... تفضل تكدب والله ماهاسامحك وهادفنك وانت صاحى .
فى مكان شعبى
يالهوى يا محسن البت نايمه ومش بتقوم دى شكلها تعبانه اوى .
محسن طيب استنى اجرى اروح اجيب دكتورة اللى فى اخر الحى تيجى تكشف عليها .
يالهوى استن تروح تجيب ايه .. دى اكيد كشفها غالى هانجيب فلوسها منين .
محسن امال اعمل ايه. ...... اشيلها وهى متبهدله كدة اروح بيها فين .. لا سيبها هنا واجيبلها الدكتورة وانشالله استلف حقها من اى حد ... بس خليكى جنبها .
عند زين
مراد ها . عملت ايه.
زين بتعب مش عارف اختفت ..... انا مش عارف راحت فين ..... العربيه مقلوبه يا مراد وكريم كمان ماټ ياعنى اكيد هى حصلها حاجة انا هاموت من الخۏف عليها ... مش عارف بتعمل ايه تعبانه ولا لاه .... انا حاسس انى عاجز ومش عارف افكر .
مراد طيب مفيش كاميرات ولا اى حاجة .
زين لا دة طريق مقطوع ... وكل اللى كانوا معاها ماتوا ... هى هايكون حصلها ايه يا مراد .
مراد قرب منه وطبطب عليه متاخفش يا صاحبى ... انشاء الله خير ...بدام هى مش موجودة يبقا هى تمام يمكن طلعت وجريت مثلا .
زين تجرى ايه العربيه مقلوبه بيهم ... انا فى دماغى مېت الف سينااريو وكلهم اسوء من بعض .
مراد طيب العيال اللى مسكتهم ظروفهم ايه .
زين قالوا ان الباشا هو اللى وزهم عليها وقالهم ېموتوها بس مش اخدوها مش لحقوا وحاولوا يهربوا .... بس قالوا ان الباشا كان ممشى وراهم عربيه علشان يتأكد منهم. انهم قتلوها ...وهو بيقول مش عارف عنها اى حاجة ... بس واقسم بالله لو ما نطق لادفنه حى فى قبر ولا يرمشلى جفن .
مراد طيب خليك انت معاه وانا هابلغ وهاقلب الدنيا لغايه ما نلاقيهاااا متقلقش يا صاحبى .
دكتورة ايه دة ياعم محسن ايه البهدله دى مين عمل فيها كدة .
محسن دى حاډثه يابنتى على الطريق وانا معرفتش اتصرف ولا اوديها فى مستشفيات جبتها على هنا .
دكتورة اممممم هى كويسه بس دى اغماءة بسبب الحاډثه والحمد لله الجنين كويس .
محسن هى حامل .
دكتورة اه حامل تقريبا كدة فى شهرين .. انا هاكتبلها ادويه تجيبها وتاخدها وغذيها كويس اوى ولما تفوق جيبها عندى نعمل سونار على الجنين ونطمن عليها اكتر.....عن اذنكوا .
محسن طيب حسابك .
دكتورة مش عيب عليك يا راجل يا طيب كفايه انك لما بتوصلنى بالتاكسى بتاعك مبترضاش تاخد فلوس خالص منى ... ربنا يعينك بس على العلاج .
الدكتورة مشيت ونزل محسن جاب العلاج ورجع تانى .
محسن ها يا فوزيه ... الابله عامله ايه .
فوزيه مراته نايمه يا حبه عينى شكلها تعبان اوى .
محسن طيب انا جبتلك فرخه اعمليلها اكل وادى العلاج نديهولها .
فوزيه جبت الفلوس دى كلها منين .
محسن ربك بيسهلها يا فوزيه الدكتورة رفضت تاخد فلوس وانا عملت نص يوميه بالتاكسى جبت فرخه وجبت العلاج اتبقى عليا فلوس والباقى هابقا ادفعه .
فوزيه ربنا يجعله فى ميزان حسناتك ... بس قولى بقا ايه اللى حصل بالظبط .
محسن مفيش يا ستى ... انا كنت ماشى على طريق عادى ... الطريق دة مقطوع شويه ...لقيت ضړب ڼار جامد خفت الصراحه وركنت التاكسى ونزلت تحت لغايه ما يخلصوا شويه وسمعت صوت عربيه بتتقلب ببص كدة لقيت العربيه اللى فيها الابله دى اتقلبت فى الاتجاه اللى انا واقف فيه ... انا اترددت انزل ولا لاه ... قولت هانزل واتوكل على الله قومت جريت وروحت لقيت واحد شباب كدة بيصارع المۏت قدام على الدريكسون والابله وراة مغمى عليها والشاب دة قالى
فلاش باااااااااك 
كريم ابوس ايدك خدها وشيلها واجرى بيها .
محسن طيب اشيلك انت الاول يابنى .
كريم لا ..ل... لا انا كد كدةة مېت .. خدها وشيلها واجرى بيها هايموتوها .
محسن هما مين دول .
كريم اه ... اه. ... مش وقته الكلام ... خدها بس .
بااااااااك
محسن وبس شيلتها وجريت بيها وسوقت باقصى سرعه لغايه ماجبتها هنا .
فوزيه يالهوى دة اظاهر ان وراها حوار جامد يا محسن واحنا مش قدة .
محسن وايه ياعنى العمر واحد والرب واحد ....اتكلى على الله يا فوزيه ... قومى بس اعمليلها الاكل علشان لما تفوق نرم عضمها من الحاډثه .
فوزيه طيب قايمه اهو ... ربنا يستر بقا .
مراد قلب الدنيا والامن بيدوروا فى ناحيه...وزين كان هايموت عليها وخاېف ومړعوپ ومش عارف يعمل ايه ... كل شويه بيخطر على باله سيناريوا شكل وكلهم اسوء من بعض ... الخۏف اتملكه للاول مرة ... وذكرى مۏت ابوة وامه بتمر قدامه ونفس احساس العجز وقتها .. بيحسه دلوقتى .. بس هو قدر وكمل وعاش بعد موتهم ... لكن هى لو حصلها حاجة هايموت وراها مش هايقدر يعيش هو اصلا عايش فى الدنيا دى علشان خاطرها بيعافر فيها بسببها ... ملحقش يتمتع بيها ولا يعيش معاها ... معقوله بسهوله كدة حكايتهم هاتخلص ... معقوله بسهوله كدة هاتروح منه .
ليليان بتحاول تفتح عينها اه .... مش قادرة .
فوزيه براحه يابنتى على نفسك .... قومى براحه .
ليليان فتحت عينها براحه...لقت نفسها فى اوضه غريبه وراجل واحدة متعرفهمش واقفين و الخۏف فى عنيهم .
ليليان انتو مين.
محسن انا يابنتى اللى شيلتك وجبتك هنا .
ليليان افتكرت الحاډثه وضړب الڼار وزين والعربيه وهى بتتقلب بيها وانها شافت المۏت بعنيها ...وزين حبيبها .
ليليان بدموع انا عاوززة زين .
محسن زين .. مين.
ليليان جوزى .
محسن طيب يابنتى هاتصل عليه حافظه رقمه .
ليليان اه.
محسن طيب هانزل اشحن رصيد ونتصل عليه ... جهزيلها الاكل يا فوزيه واديها العلاج.
ليليان پخوف لامش عاوزة حاجة ... شكرا .. بس عاوزة زين.
محسن يابنتى متخفيش انتى هنا فى امان والله ... انا سواق تاكسى ولما شوفت اللى حصل شيلتك وجريت بيكى على هنا ... اطمنى احنا ناس طيبه .
ليليان مقصدش ...بس عاوز زين .
محسن حاضر يابنتى
هانزل اهو اشحن ... وانتى ياستى كلى وخدى دواكى حتى علشان اللى فى بطنك دة .
ليليان مين اللى فى بطنى .
فوزيه يووووة هو انتى مش عارفه انك حامل .
ليليان پصدمه انا ... حامل .
محسن اه حامل