دعني احطم غرورك
المحتويات
آااااااااااااه .. سلام ياخويا ال شنب ال !!
عز وهو يضحك سلام يا طولبة قصدي يا فرج يوووووووه يا جانا
جانا بغيظ اوووووف منك
.......
نزل عز الدين ليجد ياسين يجلس بصحبة والدته عايدة
عز ياسين انت بتعمل ايه هنا وجيت من امتى
ياسين ده انا هنا من بدري
عز أها طب وجاي ليه
ياسين مافيش جيت اطمن عليك
عز طب مااتصلتش ليه تقولي انك تحت
عز قصدك ايه
ياسين ماتخدش في بالك
عايدة وهي تضحك ههههههههههههههه كبريتي يا بيضة
ياسين مين ده اللي بيضة
عايدة انت يا سينو
عز ماتفهومني بقى بدل ما أنا حاسس اني زي الأطرش في الزفة
ياسين ياعم ده الحاجة بتحب تنكت اطلع انت بس منها
عز بغمزة بقى كده هنيالك يا عم ...
................
سهير يعني فكرك الخطة دي هتنجح ياحاج
حسين قولي بس يااااارب
سهير أنا خاېفة تبوظ
حسين لأ ان شاء الله تنجح وبامتياز كمان ده تخطيط بشمهندسين على مستوى عالي
سهير طب هنقول للبنات ايه
حسين بصي هتقوليلهم زي ما هأقولك هت...............و....و......
ثم توجهت سهير حيث تجلس الفتيات
سهير بتعملوا ايه يا بنات
جانا بتابع الفيس
سهير طب سيبوا اللي في ايدكو الوقتي وركزوا معايا عندي اخبار حلوة هتبسطكوا
دينا ايه يا مامي
جانا استر يا رب
دينا بطلي غلاسة يا جوجو اكيد مامي عندها حاجة جامدة هتقولهالنا
جانا هنشوف
سهير حذروا فزروا ابوكو حسين وافق على ايه
جانا بلهفة اني أطلق صح
سهير بعد الشړ
دينا اننا نعمل بارتي أو .. أو .. نخرج نروح المول ونتفسح ونقضي اليوم بره
جانا ما تقولي يا أنطي بقى
سهير بصوا يا بنات الحاج حسين وافق انكو تطلعوا الرحلة اللي كان اعلن عنها النادي
دينا بجد بجد يا مامي دادي وافق
جانا no way اكيد بتهزري يا انطي صح
سهير وهو الكلام ده في هزار يا بنات هو وافق
دينا وهي تقفز فوق الكنبة ييس ييس ييس love you daddy ثانكس مامي .. اما الحق بسرعة اجهز ال bag بتاعتي
سهير عمك واصل يا جانا انتي متعرفيهوش ولا ايه وبعدين يا حبيبتي انتو هتروحوا واحنا هنحصلكوا تاني يوم .. يدوب بس عقبال ما يخلص كام حاجة ونجيلكوا
جانا أها ...
سهير يالا بقى يا جوجو جهزي نفسك للرحلة
جانا ثانكس أنطي .. فرصة نغير المود شوية
..............
يوسف على الهاتف كله تمام يا سحس انا ظبطت المسائل عندي
حسين وانا تمام يا جوو ربنا يكملها ع خير
يوسف ان شاء الله ههههههههههه والله ورجعتنا لزمن الشقاوة يا سحس
حسين هههههههههههه ولسه كمان ياخويا. نخلص بس الجزء الأول وبعد كده نخش ع التقيل
يوسف عاش يا سحس
.............
في صباح اليوم التالي كانت الفتاتين قد اعدوا العدة للذهاب في رحلة إلى منطقة العين السخنة كان مكان التجمع أمام بوابة النادي حيث سينطلق الباص بهم إلى وجهتهم
جانا ها تممتي يا دودي ع ال stuff بتاعتنا
دينا ييس كله تمام وموجود
جانا اوك يالا نطلع الباص انا هاقعد جمب الشباك
دينا whatever ... المهم نغير جو واو السخنة مكان تحففففة
لاحظت جانا ودينا وجود بعض الهمهمات والهمسات والنظرات بين اعضاء النادي المشتركين في الرحلة لهما
أحد الأشخاص بص هي دي البنت اللي مسحت بدونا البلاط
شخص ثاني هي تستاهل كانت منفوخة وبتكلم الناس من مناخيرها
فتاة معهم دي بنت بيئة اتعالت ع اسيادها
فتاة اخرى بس بقى لاحسن بينها خدت بالها
مشرف الرحلة يالا يا شباب الكل يجمع هنا هراجع الأسماء واللي يسمع اسمه يطلع يقعد في الباص deal
تنوعت ردود الجميع مابين تماااام .. deal ... ماشي ... اوك .. يالا يا برنس
وبالفعل صعد الجميع إلى الباص وانطلق بهم نحو العين السخنة
..............
في تلك الأثناء في سيارة عز حيث كان ينتظر نزول ياسين من منزله كان ياسين يرتدي قميص كاروه أحمر في ابيض ومن أسفله تي شيرت أبيض وشورت بيج وشبشب أسود بينما عز الدين كان يرتدي تي شيرت أبيض وجينز أزرق وضع ياسين حقيبة السفر في شنطة السيارة ثم انطلق ليجلس بجوار عز الدين
عز يالا يا ياسين اركب بسرعة خلصني
ياسين في ايه يا عم مالك مصحيني من النجمة كده ليه وتقلي جهز نفسك وهات عدة السفر معاك خير
عز وهو يقود السيارة بسرعة رهيبة هفهمك في السكة المهم بس الوقتي نلحقهم
ياسين نلحق مين ماتقولي رايحين فين بدل ما أنت واخدني من الدار للڼار
عز بص الحكاية ومافيها إن ...............................................
..........
٢٠١٢ ١١٠٩ م نودي قصة ... دعني أحطم غرورك !!
الحلقة السادسة والعشرون
انطلق عز الدين بسيارته محاولا اللحاق بالباص المتجه للعين السخنة
ياسين بص كده مش هو ده الباص
عز ايوووه هو
ياسين طب دوس بنزين أكتر عشان تلحقه!
عز بنرفزة ده ع اساس اني ماشي ع قشر بيض
ياسين مش وقت تنكيت !!
بدأ عز الدين يضغط على بوق السيارة الكلاكس بشدة لكي ينتبه سائق الباص إليه خاصة حينما أصبحت المسافة بين السيارتين قريبة
في تلك الأثناء كانت جانا تغفو قليلا وتضع في أذنها سماعات الهاتف وتستمع لبعض الأغاني... بينما دينا تتصفح الانترنت
لاحظ سائق الباص ان هناك سيارة تتبعه وتحاول ان تلحقه او
ربما تتجاوزه
السائق لنفسه ممممم بقى شوية العيال الهفأ دول عاوزين يعدوك يا سيد طب والله لأسد عليهم المياه والهوا
ياسين ملوحا لسائق الباص بيده اقف يا عم يااااااا حاج .. دوس كلاكس تاني يمكن الحاج سمعه تقيل!!
عز كله ده ومش شايفنا.
ياسين الظاهر ان الحاج مفكر اننا بنعاكسه.
عز بص بص ده بيزود السرعة لأ وبيقفل كمان علينا
ياسين الحاج مفكر نفسه فان ديزل في Fast Furious .... خلاص يااااااااااااااااا حاج عرفنا انك سايق دبابة ... ياااااااااااااا حااااااج
قرر عز أن يزيد من سرعة سيارته ليتجاوز الباص وبطريقة احترافية نجح بالفعل في تجاوزه ثم قام بتهدئة السرعة تدريجيا كي يجبر سائق الباص على الوقوف
عز وهو ينزل من سيارته ايه يا عم انت كل ده مش شايفنا
مشرف الباص في ايه يا كابتن بتقف قصدنا ليه
عم سيد السائق لأ شايفك ومكونتش هعديك أصلا!!!
ياسين متدخلا في الحوار لا مؤاخذة يا حاج أصل احنا عاوزين ناس حبايبنا هنا معاكو في الرحلة فكنا بس عاوزين نلحقهم
مشرف الباص حضرتك مينفعش الكلام ده في اشراف ومسؤلية هي مش فوضى يا كابتن
عز لأ معلش انا عاوز مراتي واختها هما معاكو هنا في الرحلة !!
مشرف الباص احنا مالناش دعوة بالكلام ده دي رحلة وفيها عدد واحنا ورانا بروجرام وملتزمين بتنفيذه ..
عز بنرفزة بقولك مراتي ايه مسمعتش طلعت الرحلة من غير موافقتي وانا عاوزها!!
مشرف الباص بقول حضرتك ايه احنا مالناش دعوة بالخلافات الأسرية دي وبالذوق كده اتفضل امشي
عز ولو مامشيتش هتعمل ايه
ياسين اهدى كده يا عز يا كابتن بيقولك مراته واختها في الباص هيكلمها بس وأظن حضرتك راجل وميرضكش ان مراتك تخرج من غير اذن جوزها فمابالك انها تسافر أصلا
عم سيد السائق البيه عنده حق يا اووستاذ وليد خليه يشوف مراته
في نفس الوقت حينما توقف الباص
أحد الأشخاص هو الباص وقف ليه
شخص أخر مش عارف بص كده وشوف وقولنا
دينا جانا الباص وقف!
جانا هو احنا لحقنا نوصل
دينا معتقدش د احنا مكملناش half an hour ع الطريق
جانا يمكن في مشكلة ولا حاجة .. الوقتي هيبان
صعد عز الدين إلى الباص وظل يبحث ببصره عن جانا التي كانت تجلس في الخلف
دينا بصي بصي يا جانا !!!
جانا وهي مغمضة لعيونها في ايه تاني يا دينا سيبيني أنام شوية لحد ما نوصل طول الليل مزهقاني ومخلتنيش اعرف انام عدل !
دينا بصي عز عز هنا!!!
جانا بعدم اهتمام وده ايه اللي هيجيبوا هنا !!
عز لجانا أهلا دينا يالا يا جانا قومي معايا
دينا هاي عز
جانا پصدمة عز ايه اللي جابك هنا واقوم معاك اروح فين
عز ساحبا جانا من ذراعها هتيجي معايا نروح السخنة ماهو مش معقول تسيبي جوزك يروح لوحده في عربيته وانتي في الباص مع ناس كمان غرب
جانا وهي تبعد ذراعها منه وبتحدي ايه الكلام الفاضي اللي انت بتقوله ده انا مش جاية معاك في حتة!
عز جانا متفرجيش الناس علينا هتيجي معايا بالذوق ولا اخدك عافية
جانا هي مش فتونة كل شوية عافية عافية ابعد بقى عني وسيبني في حالي
عز بضيق جانا متنرفزنيش اتفضلي قدامي !!!!
وهنا تدخل احد الأشخاص ويدعى رامي في الحوار
رامي جري ايه يا كابتن بتضايق الأنسة ليه
عز آنسة لأ دي المدام حضرتك!! وبعدين انت مالك متدخلش في اللي ملكش فيه
رامي حتى لو المدام يأخي متكلمهاش كده!
عز لجانا عاجبك كده يا مدام مبسوطة خليتي اللي يسوى واللي ميسواش يدخل في اللي مالوش فيه
رامي ماتحترم نفسك يا اخ انت ولا الظاهر انك عاوز تتربى
عز بضيق تصدق انت صح أصل أنا بقول شكل للبيع ... بوووووووووووووم
قام عز الدين بلكم رامي لكمة قوية في وجهه ثم سحب جانا بشدة من يدها
عز حد عاوز يتخانق تاني
جانا سيب ايدي يا عز مش هاجي معاك ليه مش بتفهم سيب ايدي بقولك!!!
عز مبدهاش بقى استعنى ع الشقا بالله
قام عز الدين بخبط جانا في رأسها أعطاها روسية خفيفة وحملها على كتفه
جانا آاااااااااااااه نفوووخي.. انت بتعمل ايه نزلنييييي نزلنيييي !!
عز بحدة يالا يا دينا هتيجي معانا انتي كمان ولا عاوزاني اشيلك
دينا پخوف No no. I am coming with you
وبالفعل اخذ عز الدين جانا ودينا من الباص وسط دهشات الجميع ولم يجرؤ أحد على الاقتراب من الفتيات أو حتى التفكير في مساعدتهن
ياسين ايه اللي انت عملته ده
عز افتح باب العربية وهات شنط الهوانم من الباص
ياسين حاضر حاضر بس متشخطش فيا
جانا ارحمني بقى وسيبني
عز ده بعدك
ادخل عز الدين جانا في السيارة وتحديدا في المقعد الخلفي وجلس بجوارها ظلت ټقاومه فقيد يديها بيديه
في نفس الوقت ذهب ياسين ليحضر الحقائب من الباص ووجد دينا واقفة وقد احضرتهم بالفعل
ياسين بفرحة كبيرة ايووووه بقى خليها تطرى كده وتحلو
دينا أفندم
ياسين مافيش بغني ايوووه بقى والجيبة ضيقة
دينا ايه
ياسين عنك يا جمييييل الشنط
دينا ليه ان شاء الله
عز مناديا لياسين بحدة انت يا زفت اخلللللص !!
ياسين وهو يحدق في دينا طيب ياباي هخلص بس من غير شتيمة
عز انت لسه هتتنحنح .. يالا يا دينا اطلعى العربية
جانا بصړيخ اجرررري يا دينا اطلبي البوليس
عز مكمما فم جانا متطلبيش حد انجزي انتي كمان في يومك
جانا مممممممممم..... ممممممم....
ياسين يالا يا آنسة ده صاحبي وانا عارفه ممكن في لحظة يدفنا واحنا واقفين.
دينا OMG !!!!
ياسين بهزار لأ مش وقت صويت وولولة و OMG وجو الأفلام الأجنبي ده
دينا اهااا ..
ركبت دينا السيارة
متابعة القراءة
