زوجه رجل استثنائي الفصل الثاني عشر 12

هنا
يا جوزك قدامك
أنت نقطة ضعفه الوحيدة
كلنا مدركين تعلقه بيك
سهل عليا 
بس هنلعب معاه بنفس طريقته لحد ما هو ينهي نفسه بنفسه
جوزك في طريقه لهنا لو عايزاه يخرج سليم تنفذي اللي هقوله
هزت راسها وهي مړعوپة من فكرة إن يئذي قصي مش قادرة تفهم أي حاجة طب هي المطلوبة
ليه عايزها هنا
ليه مجننهم حبه ليها وخوف قصي عليها
وقتها شاور ناحية مكان معين برا وهو بيقول_بصي وراكي كده
اتلفتت بالفعل ناحية ما شاور كان شباك مفتوح من المكتب فقال_فيه قناص وراكي مراقب قصي من ساعة ما رجله خطت هنا
بإشارة واحدة مني هتلاقي راس جوزك بتتفرتك قدامك
دت دموعها
ومعاها زادت ابتسامته لما اتاكد إنها استحالة تغامر بيه
الاتنين عاشقين لبعض
واضحة لأي حد
ودي حاجة عاجباه لأبعد حد
لف بالكرسي مرة تانية وهو عارف إنه زمانه وصل وبالفعل لقاه بيهجم على الباب وهو موجه عليهم انتفضت عائشة بړعب وهي شايفاه قدامها كانت خضة من اللي متوجه عليها وخوف من إنه يتئذي وقتها حست بيه اتجمد مكانه وهو بينطق باسمها عقله وقف ومبقاش فاهم
سايبها في البيت ومأمن عليها
ازاي وصلت لهنا
اتجمد أكتر لما قاله عيسى إنها هتفضل هنا فوجه السلاح ناحيته عينه أظلمت لما شافه حاطت إيده عليها فصړخ بغيرة_شيل إيدك من عليها بدل ما افضي الخزنة في دماغك
وقتها وجهت نظرها لمكان القناص مع إنها مكانتش شايفاه بس كانت عارفة بوجوده بالفعل وإنه مش هيقول أي كلام رفعت عينيها ليه واتصنعت القوة وهي بتقول_أيوه فعلا هفضل هنا
الأحسن تتقبل ده من دلوقتي يا قصي بدل ما نتعب مع بعض
إيه اللي جابك هنا!
أنت تعرفي مين ده أصلا!
وقتها وجه نظره ليه ولكنه حس بإن ملامحه مش غريبة عليه ضيق عيونه وهو بيتأكد من هويته ولوهلة اتسعت عيونه وهو بيقول_عيسى...
ابتسم وقال_ده أنت طلعت عارفني أهو
فضلت عيونه ثابتة عليه وقال بجمود_معاذ خد عائشة وأمن عليها
ولكن اعترض عيسى وهو بيقول_ما قالتلك هتفضل هنا
مع عمها 
_وقاتل ابوها
كمل قصي على كلامه وهو بيبصله بتحدي وبعدين وجه أنظاره لعائشة ولكنه استغرب لما ملقاش أي تعبير على وشها وقال_عائشة أنا مدرك إنك ما صدقتي تلاقي حد من عيلتك ظهر
ولكن اللي قدامك ده حية متلونة يا عائشة
أنا معرفش أنت وصلت هنا ازاي وليه خبيت عليا بس وجودك هنا خطړ عليك
عيسى هو اللي دبر حاډثة أهلك واللي...
ولكنها قاطعته وهي بتقول_مش مهم اي حاجة هتقولها يا قصي
أنا هفضل هنا
بسببك اتعرضت لمواقف مكنتش اتخيل إني هتعرضلها
_بسببي! 
أنا عارف إنك لا يمكن تقولي الكلام ده من قلبك
عرفيني يا حبيبتي هددوكي بإيه
صدقيني أنا قادر عليهم كلهم
حاولت تقاوم الغصة اللي في قلبها على قد ما تقدر دارت بعينها على عيسى اللي كان مبتسم بخبث وبعدين وجهت أنظارها عليه 
دايما متأخر خطوة عنهم
عشان كده أنا هفضل هنا مع عمي
هو اللي يقدر يحافظ عليا
_ده