رواية حافية على الهاوية بقلم سما سعيد

يبكى بإنهيار ربتت على كتفة
فأندفع إياد الى صدرها بقوة
مما جعلها ترتد خطوتين الى الخلف
ضمتة بحب ومن ثم قالت انا عذراك يا إياد ومش زعلانة منك
رغم كل اللى لمحتلى بية
فأبتعد إياد يرمقها بعينين ادمتها الدموع
فأردفت آيات قائلة انا حزينة على نفسى على نصيبى
اللى بيتفنن بچرحى واللى من سنين
وهو بيحطنى فى اختبارات صعبة انا مش قدها
الاول ۏفاة بابا الله يرحمة وانا طفلة عندى 12 سنة
والتانى جواز امى من انسان اقل كلمة توصفة هى انة حيوان ومنحط
والثالث هو مۏت صحبتى احلام بطريقة بشعة وادام عنية
والرابع هو فقدانك بعد ما لقيتك صدفة
وحسيت انك بر الامان بالنسبالى
والخامس هو حياتى التعيسة الخالية من اى فرح
مع مصطفى الله يرحمة
والاخير هو معرفتى بأنك اخو جوزى
ودة كان اصعب اختبار بالنسبالى
عشت حزينة وخبيت وحبست شعورى بقلبى
بس خلاص كل شئ انكشف ومبقاش فية حاجة فى حياتى مخبياها
جفف إياد دموعها التى انسابت على وجنتها برقة ومن ثم قال 
سامحينى يا آيات كان ڠصب عنى اللى حصل لنا دة
محدش يصدقة صعب صعب جدا وفوق احتمال البشر
مكنتش اتمنى اننا لما نتقابل تكون دى قصتنا
ومن ثم استطرد بحزن شديد آيات
انتى واخدة بالك احنا حصلنا اية
انفرجت شفتيها اخيرا وتحدثت بحزن مرير قائلة 
اللى حصلنا دة انا عشتة لوحدى سنتين من عمرى
وانا بټعذب وساكتة ومحدش حاسس بية نهائى
اللى حصلنا دة كان نصيب ومكتوب اتعذبت بية لوحدى
عايز تقوللى انك كمان اتعذبت
لاء انت مهما اتعذبت مش هيكون زى عذابى انا
عذابى اللى عشتة لوحدى سنتين عشتهم مع اخوك الله يرحمة
وانا لا طايلة زوجة ولا مطلقة
وفوق دة كمان كان بيعذبنى بمعاملتة الجافة
المهينة واظنك شاهد على كل دة لانك شفتة بعنيك
ولسنة كاملة وانا بټعذب بقربك منى من بعد ما اكتشفت
ان حبيبي بيكون اخو زوجى
وفوق دة كمان لسة بيحبنى واعترف بكدة ادامى
ولسة بيدور علية وعندة امل انة يلاقينى
استحملت وسكت وحاولت اعيش والباقى انت عارفة
فتحدث إياد من بين دموعة قائلا حقك علية سامحينى
اطلقت آيات تنهيدة محملة بالالام ومن ثم قالت ياااااااة
داانا کرهت اسمع كلمة سامحينى
من كتر ما سمعتها منك ومن مصطفى
کرهت المسامحة بسببكوا 
لية انا لية لية يحصل معايا دة كلة
لية حاكمتونى على حاجات انا ماليش ذنب فيها
لية حملتونى ذنب اخطائكوا مصطفى كان دائما بيحملنى ذنب مرضة
ببهدلتة فية وضړبة واهانتة وسبة واتهامة لية مرتين بالخېانة
وانت جيت تكمل علية ويتحملنى ذنب انى كنت مرات اخوك
وحملتنى ذنب وكمان بتحملنى ذنب مۏت مصطفى
ومن ثم استطردت بحزن إياد انا بحلك من وعدك
وبطلب منك الطلاق
إياد بإعتراض طلاق بس
لم يلبث تكملة جملتة بل قاطعتة آيات قائلة 
مبقاش فيها بس ومبقاش ينفع كدا كفايا علية
كفايانى اوجاع كفايانى عڈاب وچرح للكرامة
انت قدرت تبعد عنى مرتين وسبتنى اتعذب
مش هستنى تانى لما يكون فية مرة تالتة
قدرتى ع الاحتمال ضعفت
لية حملتنى ذنب كل دة بتعاقبنى علشان خبيت عنك شخصيتى
خفت عليك من العڈاب لما تعرف انى مرات اخوك
مكنتش عايزاك تعرف ان حبيبتك اصبحت مرات اقرب الناس ليك
خفت عليك من حړقة القلب والمرار اللى عشتة لوحدى
واكتفيت بشعورى بالحرمان منك وانا ساكتة
ومقدرتش لما بقيت مراتك انى احكيلك على مرض اخوك
وسبتك تكتشفة بنفسك وصنت وعدى لمصطفى
استحملت مصطفى وچرحة واهانتة لية لكن انت لاء
مش ممكن هقدر ابدا استحمل انى اشوف
نظرة الكرة والاتهام فى عينيك
ومن ثم استطردت بإستجداء من فضلك طلقنى وارحمنى
انا تعبانة تعبانة اووى ونفسى ارتاح ارجوك
إياد بحزن وعيون دامية هتلاقى راحتك بعيد عنى
أومأت آيات بالنكران ومن ثم قالت 
مش ممكن هرتاح وانا بعيد عنك
لانى بحبك وهفضل احبك لحد اخر يوم بعمرى
بس خلاص لحد كدا وانتهى كل شئ
انا همشى وانت اتجوز فى الشقة دى
اتجوز واحدة ميكنش لها ماضى يعذبك
وانسانى وللا اعتبر انك ملقتنيش زى ما قلتلى قبل كدا
انت ندمت لما اديتنى حقوقى الزوجية
غيرك عاش شهور بيتعذب لانة مكنش قادر يدينى حقوقى
فصړخ إياد قائلا كفايا حرام عليكى كفايا
انتى لية بتقارنينى بمصطفى
آيات بحزن انت السبب افعالك اللى خلقت وجة مقارنة بينك وبينة
إياد بإستياء انتى لية مش قادرة تقدرى ظروفى
آيات بحزن انا اكتر واحدة بتقدر الظروف
قدرت ظروفك واتحملت رفضك ليا لاتمام جوازنا
انتوا بقى عملتولى اية محدش حس بية ولا قدر مشاعرى
هبطت دموعة بغزارة ك السيول الجارفة
وهو يستمع الى حديثها الذى اوجعة بشدة
ومس اوتار قلبة پعنف
مد يدة والتقط يدها بحب فشعر بإرتجافة جسدها
بكى بشدة على ما اصبحت علية
وكأن دموعة انتقلت اليها لتترقرق بعينيها
ومن ثم ذرفت بكثرة من عينيها كشلال يأتى من منحدر عال
تهبط مياهة الى اسفل دون توقف
افلتت يدها من بين يدة ومن ثم قال 
تعرف انا خلاص مبقتش زعلانة من اى حاجة حصلتلى
بالعكس انا مبسوطة ومرحبة لانة تخفيض ذنوب
دة عقاپ من ربنا بيخلصة منى لانى زوجة خاېنة
فرمقها بدهشة فبادرت قائلة ايوة خنت مصطفى
لما احتفظت بذكرى تخصك الجواب بتاعك
كان لازم من قبل ما ادخل بيتة
ارمى الماضى ورا ظهرى واقطع الجواب
خنتة لما فكرت فيك واعترفت بحبى ليك بينى وبين نفسى
اية يعنى كتمت معرفتى بيك ادام العيلة
اية يعنى خفيت مشاعرى عنكوا
لكن انا صرحت بيها بينى وبين نفسى
ودة اثم وانا وقعت فية واتمنى ربنا يسامحنى ويغفرلى
تركتة يزرف الدمع وذهبت بإتجاة الخزانة
انزلت الحقيبة ومن ثم وضعتها على الفراش
وبعد ان فتحتها ملآتها بملابسها
وقبل ان تغادرامسكها إياد من معصمها وهو يقول بإستجداء 
متمشيش علشان خاطرى
أبتسمت آيات بفتور ومن ثم قالت علشان خاطرك انت انا همشى
وهسيبك تعيش حياتك ومتشعرش بالذنب لانك اتجوزتنى
إياد بحزن آيات انا بحبك
آيات بنيرة ألم وانا عمرى ما هنساك
إياد مستفهما طب طب هتروحى فين
آجابتة آيات بفتور عند ماما
إياد بإمتعاض يعنى خلاص هتمشى
وانتى مطمنة لان فتحى مبقاش موجود
آطلقت آيات تنهيدة عميقة ومن ثم قالت 
بصراحة اة ويمكن ربنا قدر اللى عملة فتحى دة
علشان لما يحصللى منك كدا
مآعش معاك مڠصوبة ربنا حب يحفظلى كرامتى
ومسبنيش اعيش مجبرة وصان شعورى
ارتدت عبائتها ونقابها ومن ثم تركتة ومضت
وقبل ان تغادر من باب الشقة
شهقت بقوة وهى تجدة يقوم بحملها بين ذراعية
ظلت تقاومة ولكنة دلف بها الى حجرتهم واغلق الباب يإحكام
فتحدثت آيات بإستياء افتحلى الباب انا لازم امشى
إياد بإصرار مش ممكن اسيبك تمشى يستحيل
دا بيتك وانتى مراتى
آيات بحدة دة مش بيتى وانا مش هبقى مراتك
اقترب اليها وضمھا بين ذراعية فظلت تقاومة
وتهوى على صدرة بقبضتيها وهى تقول بهتاف 
سبنى سبنى انا عايزة امشى مش هقعد فى البيت دة لحظة

واحدة
فأبتعد إياد عنها وامسك رأسها يحتضنها بين يدية ومن ثم
قال بلوعة مش هسيبك مهما عملتى
روحى تفارقنى ولا تبعدى عنى
اندفعت الية مسرعة وقد اغدقت الدموع بعينيها
احتضنت وجهة بحب وهى تقول بحزن ورينى كدا
وحينما وجدت الډماء ما زالت تسيل من شفتية
تحدثت من بين دموعها قائلة انا انا اسفة
حقك علية مكنتش اقصد والله
فتصلبت شرايينها وتلعثمت خفقات قلبها وبيد ترتعش
دفعتة بخفوت بعيدا عنها
اقول اية انا لما حد يسألنى عليها
آجابتة آيات بحزن لانى كنت زعلانة منك
إياد بحب كنتى
آيات پبكاء اتهمتنى ظلم
إياد بخفوت انتى اللى بررتى سكوتى بالغلط
آيات بإستياء جرحتنى
إياد بنبرة شجية بحبك
آيات پألم دبحت قلبى
إياد بود بمۏت فيكى
آيات بخفوت مش عايزة امشى
إياد بسعادة وانا اصلا مش هسيبك تمشى
آيات بإبتسامة شاحبة لسة بتحبنى
إياد بلوعة لاخر يوم بعمرى
آيات بنبرة شجية انا عايزة انسى
إياد مبتسما وانا عايز اعيش بقربك كل سنين عمرى
ومن ثم تلفظا الاثنان بوقت واحد بحبك
البارت الثانى والاربعون 
وتوالت الايام الوردية على هذة القلوب العاشقة
الشاغفة للحب والهناء منذ آمد بعيد
وفى جانب اخر اقترب موعد زفاف سليم الى منى
والتى كانت تلك الاخيرة كلما رأت السعادة
ترفرف بعيون العاشقان تشعر بالحنق والنيران التى تلتهم قلبها
كانت تتمنى ان ترتبط بمن تعشقة ويعشقها حتى ولو لم يكن مصطفى
كان هذا سيكون افضل من ان تتزوج زواج صالونات كما يقولون
كما بدأ إياد الاعداد لمعرضة
حيث اعد احدى الحجرات وجعلها مرسم خاص بة
ليستكمل لوحاتة الفنية لقد كانت اللوحات من ذى قبل
يتلبثها الشجن العميق اما الان فقد تبدل الحال
وابتعد الشجن واحتل محلة الحب والسعادة
فى كل خط وكل لوحة وكل لمسة من فرشاتة
يبث فيها حبة واشواقة ولوعتة الى حبيبتة
بعد آسبوع داخل شقة عبد الرحمن العطار
دا قليل الادب وكان عايز يمسك ايدى
وانا موافقتش وزعقتلة كمان ولو كان ذودها كنت لطشتة بالالم
هكذا تحدثت منى الى سامح شقيقها
فتحدث سامح مداعبا طب كنتى سيبية يمسكها يافوزية
يمكن كانت تطرى ف ايدة
فوخزتة منى بقوة وهى تشعر بالحنق
فتأوة سامح ومن ثم قال بمزاح اومال هتعملى اية ياحلوة
داانتى كلها شهر وتبقى مودام سليم ومن ثم ضحك بصخب
فدلفت كاميليا اليهم ومن ثم تحدثت قائلة ومالة يابت
ماهو بقى جوزك خلاص
منى بإمتعاض انا مش عارفة انتوا وافقتوا
لية على شبكة وكتب كتاب
فتحدثت كاميليا قائلة كدا احسن وللا انتى كنتى عايزاة
يفضل داخل خارج علينا كدا بحجة انة خطيبك
منى بحنق ياسلام بقى هو دة السبب ولا علشان تخلصوا منى
فتحدث سامح الى والدتة قائلا سيبك منها ياماما مش خلاص
اطمنتوا عليها واتجوزت وكلها اياكم وهتدخل القفص برجليها
خليكوا فية انا بقى افضولى شوية
ابتسمت كاميليا ومن ثم قالت بخبث نخلينا فيك
ازاى ياسى سامح انجز وهات م الاخر
سامح بلهفة انا بحب زميلتى فى الشغل وعايز اتجوزها
كاميليا بمرح جواز كدا على طول طب قول خطوبة
سامح مداعبا الله مش انتى بتقوليلي هات م الاخر
وادينى جبت اخرى انا عايز اتجوز بقى
جوزونى ياناس حرام دااناقربت اعنس فرمقتة منى بحزن
فنهض وطوقها بين ذراعية
وهو يقول نادما والله ما اقصدك يااختى
فتصنعت منى عدم الاستياء وقالت مبروك مقدما
ومن ثم استطردت قائلة وشكلها اية زميلتك دى بقى
ياترى حلوة ولا شبهك
جلس سامح على مقعدة ثانيتا ومن ثم قال بجدية وانا مالى بشكلها
اهم حاجة عندى اخلاقها وهى اخلاقها كويسة جدا
وانا عارفها من زمان لانها كانت زميلتى فى الكلية واتخرجنا سوا
واشتغلنا برضوا عند آدم سوا
فتدخلت كاميليا قائلة بإستياء اية دة يعنى هى ادك فى السن
فأجابتها منى قائلة ومالة ياماما دى برضوا لسة صغيرة
ومفيهاش حاجة لما تكون ادة فى السن
رمقها سامح بإمتنان ومن ثم قال مداعبا تصدقى اول مرة تقولى حاجة تعجبنى
فتحدثت كاميليا بسعادة خلاص ياسامح لما ابوك يصحى من النوم
ابقى فاتحة بالموضوع وبعد جواز اختك نبقى نروح نخطبهالك ياعم
فنهض سامح واقترب حيث والدتة مقبلا اياها
من وجنتها ومن ثم قال بسعادة ربنا يخليكى لية ياكاميليا ياعسل والله انتى عسل
داخل شقة بدر العطار
كان إياد يجلس بصحبة والدة بحجرة المعيشة وكان كل
من رقية وآيات يجلسون بحجرة الطهى
يعدون الخضار الذين سيقوموا بطهية لهذا اليوم
فتحدثت رقية قائلة بحب يعنى لو كانت ولاء جت واتغدت
معانا النهاردة مش كان احسن من حبستها بالعيال فى الفيلا
فتحدثت آيات مبتسمة برونق خاص يارتها جت ياماما رقية
النهاردة الجمعة وملك معندهاش مدرسة النهاردة وكنا اتغدينا سوا
فرمقتها رقية بسعادة ومن ثم قالت ممكن اعرف
اية سر الابتسامة الحلوة دى
طأطأت آيات رأسها الى اسفل حينما وجدت رقية تتمعن بها
رفعت رقية وجة