بقلم أم فاطمة "مكة"

أمامها مرة أخرى مش كده يا فيفى بس أنا نفسى لما أجى أقضى معاك وقت ظريف مش تفكرينى بيها وبالمشاكل اللى بهرب بيك منها 
وبعدين أنا جى اكلمك فى موضوع مهم 
فيفى وايه الموضوع ده 
مجدى تعالى جوه نقعد وتكلم براحتنا عشان محدش يسمعنا من الدادة أو الولاد 
فولجت معه فيفى للداخل على ترقب وخوف 
ثم جلست بجانبه تنظر له بقلق 
مجدى فيفى اسمعينى كويس وياريت تفهمينى وتقدرى موقفى 
فيفى فيه إيه يا مجدى ما تكلم قلقتنى 
مجدى أنا خلاص معدتش عايز أشارك الزفت فاروق ده فى أى عملية
تانى 
أنا ضميرى بيوجعنى وخاېف انكشف فى أى لحظة وأخسر مهنتى وسمعتى تسوء وبكده ممكن أخسر عيلتى كمان 
فلازم كل حاجة تتوقف فورا بس أوعدك إنى مليش دعوة بيه ولا بنشاطه وهتجنبه تماما 
لكن هو يشوف واحد تانى يأمن عملياته غيرى خلاص كده كفاية اوى 
اتسعت عين فيفى غير مصدقة أن ما فعلته طوال سنوات يهدم أمامها وأن سهام ستنتصر عليها مرة أخرى ومجدى سيعود لحياة الشرف من جديد أما هى فستترك وحدها فى حياة الذنوب والرذيلة تتجرع وحدها الألم 
لا لا لن يكن لن أسقط وحدى إلى الهاوية ستسقطون معى شئتم أم أبيتم 
ولكن ماذا أفعل لأستقطبه مرة أخرى 
فهى تخشى من فاروق أن علم هذا الأمر فقد يطيح بها لفشلها فى إغوائه 
سال لعاب مجدى أمامها 
فيفى
ها يا مجدى كمل كنت بتقول ايه 
مجدى اه كنت بقول بس استنى نأجل الموضوع ده لما نشوف موضوع تانى أهم 
لتنسيه فيفى العالم وما به 
وفى اليوم التالى 
ذهب رياض وركان ومكة للمشفى للإطمئنان على ريم وسهام الذى بفضل الله تحسنوا كثيرا وصرح الطبيب لهم بالخروج 
تقابلت عين سهام مع ريم فى عتاب شديد فنكست ريم رأسها بخزى وندم وأجهشت فى البكاء 
فرق قلب سهام وتذكرت أن الحب يعمى الأبصار وخاصة أن كان ليس هناك أساس دينى يحمينا من أنفسنا الإمارة بالسوء 
رياض بمداعبة لتخفيف الأمر مش هتخلص وصلة الاحزان دى احنا داخلين على أفراح 
متكلم يا كريم 
كريم ايوه فعلا أنا عايز أحدد معاد لخطوبتى أنا وريم 
مجدى تمام بكرة الجمعة فرح مكة والجمعة اللى وراها على طول خطوبتكم تمام كده 
فابتسم كريم تمام اوى 
مكة بدموع تتلألأ فى عينيها معلش هنتظركم بره 
نظر لها ركان پقهر وتمنى لو أمسك بيديها قائلا متخفيش أنا مش هسيبك أبدا تروحى منى متقلقيش يا قرة عينى 
ولكنه تماسك حتى ينتهى الأمر حسب ما خطط له 
على نحو أخر كان أيمن عند طبيبه يستشيره فى أمره ومعه نتائج بعض التحاليل الطبية التى كان طلبها منه الطبيب امړاض جلدية وتناسلية 
أيمن بقلق ها يا دكتور طمنى فيه أمل ولا إيه 
ده خلاص دخلتى بكرة وخاېف أطلع خرونج لا مؤاخذة وتبقى فضيحتى بجلاجل 
الطبيب مطمئنا له أنت وصلت لمرحلة كويسة فى العلاج يا أيمن وتحسنت كتير بس بلاش قلق لأنه كفيل يديك إحساس إنك لسه تعبان ومتقدرش تأدى دورك كزوج 
أيمن مهو ڠصب عنى نفسى أحس إنى راجل زى أى راجل عادى بيجوز ويعيش حياته الطبيعية ويخلف فقلقان 
الطبيب استعن بالله وحاول ولو لا قدر الله اتفاهم مع عروستك
إنها مسألة وقت وإنك بتتعلاج وهتتحسن وإن فيه أمل كبير تكون طبيعى 
تنهد أيمن بقلق ربنا يستر أنا أصلا مختارها إنسانة مؤمنة عشان تصبر ومتكلمش لو محصلش 
الطبيب خير وهستنى منك تتطمنى 
ايمن وهو كذلك بس يحصل 
ثم غادر أيمن والخۏف يملؤ قلبه مما سيحدث 
صلاح زوج زهرة 
وبعدين يا زهرة مش شايفة إنك أهملتى بيتك وولادك وطول النهار بره 
زهرة ڠصبا عنى يا صلاح معلش أستحملنى شوية عقبال مقدر أوصلها دى ضنايا وحتة منى 
صلاح مقولناش حاجة وأنا نفسى تلاقيها يا بنت الناس بس برده بيتك وولادك ليهم حق عليك ولا أنا غلطان 
زهرة لا مش غلطان وهو بس بكرة هروح أشوف كام قسم اللى فضلين هسئل فيهم على الظابط اللى إسمه ركان ده وادعيلى ربنا يراضينى وألاقيه ويدلنى على بنتى 
صلاح إن شاءالله بس لو لا قدر الله ملقتهوش تهدى كده فى البيت شوية وتسبيها على الله 
زهرة ونعم بالله يارب أنت وكيلى قر عينى ب بنتى 
صلاح وأظن ربنا جبلك حقك من الطور عباس شوفتيه وهو بيشحت فى الشوارع وكمان إيه بياكل من الژبالة 
يستاهل زى مضيع بنات كتير ربنا يحفظ بناتنا 
حركت زهرة رأسها بآسى قائلة اللهم لا شماتة 
شاهيناز بعين تلمع من السعادة أخيرا يا كوكو خرجنا لوحدنا 
ركان معلش أنت عارفة ظروف شغلى وإنشغالى
شاهى بس لازم يكون ليه أهمية فى حياتك يا ركان 
أحس إنك مهتم بيه وبتراعى مشاعرى 
ثم حاولت لمس يده وهما فى الكافيه فأبعد ركان يده سريعا بحرج 
فتلون وجه شاهيناز قايلة پغضب أنت ليه مصمم تبعد عنى كده حرام عليك 
ركان هو القرب باللمس يا شاهى خلينا الأول نقرب من بعض بأفكارنا ونتكلم فى حجات أهم من المشاعر عن البيت والأسرة والاولاد 
شاهيناز بعبوس لا أولاد ايه 
أنا مش ناوية أخلف فى بداية حياتنا أنا عايزة أعيش حياتى معاك نتفسح ونسافر ونتنطط هنا وهنا وننزل صورنا على الفيس والإنستجرام ونعيش 
اتسعت عين ركان وفتح فمه ببلاهة قائلا هو الجواز عندك لعب وفسح وصور 
فغمزت له شاهى بإحدى عينيها قائلة بهمس وأكيد حب يا بيبى 
ركان يا شاهى
أفهمى الجواز مسئولية كبيرة غير كده خالص والتزمات لازم تفهميها قبل ما فعلا نجوز 
حركت شاهى رأسها بلا مبالاة وأردفت بقولك أنا جعانة مش وقت الكلام ده دلوقتى 
يلا أطلبى بيتزا 
فكز ركان على أسنانه بغيظ من تلك الحمقاء التى لا تفكر سوى فى مظهرها أو معدتها
وفى اليوم التالى 
يوم الجمعة وفرح مكة التى رفضت أن تذهب لمركز التجميل فى صباح هذا اليوم 
ريم مكة حبيبتى 
ما ينفعش دماغك الناشفة دى لازم تروحى بيوتى سنتر أنت عروسة يا بنتى لازم تظبطى حالك كده دى ليلة العمر ومش هتكرر 
تنهدت مكة بآسى ليلة العمر 
معلش يا ريم سبينى أنا مش بحب الأماكن دى وأنا بفضل أكون بطبيعتى بدون ميكب عشان الأثم 
وهو يدوبك الفستان وخلاص وكفاية كده 
ريم لا أنت غريبة صراحة أول مرة اشوف عروسة كده 
مكة ليه 
على فكرة الحجات دى تكلفة على الفاضى وفلوس كتير و بطون الفقراء أولى بيها 
ريم يا ستى بس دى فرحة كل بنت فى يوم زى ده 
مكة پقهر اللى فرحانة بقه سبينى فى حالى يا ريم الله يخليك 
ريم وبعدين مش قولنا نصيب ونرضه بيه 
مكة اه أسئل الله أن يلهمنى
الصبر والرضا 
ثم ولجت كرميلا وسهام إليهم 
احتضنت كرميلا مكة وبكت قائلة هتوحشينى يا مكة مش عارفة البيت من غيرك هيكون شكله ازاى 
وجودك كان بيدينى دفعة وأحساس بالأمان والراحة 
مكة والدموع تنهمر من عينيها ربنا يكرمك يا كرميلا وخلى بالك من نفسك وأنت كمان هتوحشينى كتير 
ثم ابتعدت عنها برفق لتجد سهام هى الأخرى تشير إلى صدرها قائلة وأنا كمان مليش ولا إيه 
فأسرعت مكة فى احتضانها قائلة لا حضرتك الخير والبركة طبعا 
سهام يا حبيبتى يا مكة والله غيابك هيأثر فينا كلنا وفعلا هانفتقدك 
أنت كنت زى الشمعة اللى نورت لينا الطريق المظلم اللى كنا عايشين فيه 
أغرقت عين مكة بالدموع محدثة نفسها فعلا شمعة بنور اللى حواليا لكن أنا بحړق نفسى كان نفسى أنا كمان حد ياخد بإيديا ويقولى أنا أهو معاك مش هسيبك 
لكن أكتر واحد كنت بتمنى يعمل كده هو أكتر واحد فرط فيه بالساهل 
ثم جاء على فكرها صديقتها عنان 
ياااه يا عنان أنا اسفة أتلهيت كتير عنك وحشتينى اوى وكان نفسى كتير تكونى معايا فى ليلة زى دى 
فأمسكت هاتفها واتصلت بها 
عنان حبيبتى إزيك 
عنان بفرحة غامرة بت يا مكة معقول يا وحشة أفتكرتينى أخيرا بعد الفترة دى كلها !
ايه الغيبة الطويلة دى كلها 
أحكيلى يلا وأنا هحكيلك يا بت 
أنت اصلا
مش هتصدقى أنا حصلى ايه 
بس قوليلى الاول عاملة إيه مع الباشا والسنارة غمزت ولا لسه 
فتنهدت مكة پألم لتشعر بها عنان 
عنان إيه مالك يا مكة منا عارفة إنك خزان أحزان يا بنتى 
مكة بعدين يا عنان لينا كلام تانى مع بعض عايزاك تدعيلى بس 
عشان محتاجة الدعاء اوى أن ربنا يكتبلى الخير 
عنان يا حبيبتى ربنا يكتبلك كل خير 
وده رقمك هسجله وهتصل أنا بيك يا بت عشان عايزة أكلمك عن السكر بتاعى 
بس بعيدين لما تكونى رايقة كده 
فضحكت مكة ماشى يا حبيبتى 
سلام دلوقتى 
أعاد ركان اتصاله بصديقه هشام ها الأمر زى ما طلبت 
هشام اه تمام والساعة ١١بالملى هكون مخبط على الأستاذ أيمن القوة وهيسحبوه للتخشيبة
تنهد ركان بإرتياح تمام على البركة 
ومرت ساعتان أتى بعدها أيمن لبيت اللواء لأخذ مكة إلى قاعة الفرح 
فتشبثت عين مكة ب ركان مرة أخرى تستغيث به أن ينقذها فى اخر لحظة 
وودت عينيه أن تخبرها أنه لن يتركها ولكن 
اللهم إني أسألك عيشة نقية ومېتة سوية ومردا غير مخز ولا ڤاضح يا رب أعطني بقدر نيتي فإني لا أنوي بأحد إلا خيرا وارزقني أجمل مما أتمنى وأكثر مما أتوقع وأفضل مما أدعو رب بشرني بما يسرني وكف عني ما يضرني وثبت يقيني وارزقني حلالا يكفيني وأبعد عني كل شيء يؤذيني اللهم آمين 
الحلقة الثامنة والعشرون 
بسم الله ونصلى ونسلم على رسول الله 
لابد لشعلة الأمل أن تضيء ظلمات اليأس ولابد لشجرة الصبر أن تطرح ثمار الأمل
تشبثت عين مكة ب ركان مرة أخرى تستغيث به أن ينقذها فى اخر لحظة قبل أن تذهب لسجنها الجديد لبيت زوج لا تحبه لأنين حزن جديد 
ودت عين ركان أن تخبرها أنه لن يتركها ولكن ما باليد حيلة لا سبيل لإنهاء تلك الزيجة و أتاحة مزيد من الوقت كى يتحرر من قيوده التى تلازمه إلا بهذه الطريقة وإن كان فى مظهرها القسۏة ولكن تحمل فى داخلها رحمة وحب لها 
أطبق أيمن على يد مكة فحاولت نزع يدها ولكنه بادرها بقوله خلاص بقه يا جميل أصبحتى ملكيتى الخاصة وحلال صرف فلموش لزمة الكسوف ده خلى الليلة تسلك
هى مش ناقصة 
فقطبت مكة جبينها وولجت لله بالدعاء أن يرزقها الصبر والتحمل على ما هى