قصه جديده
المحتويات
موبايله من وقت من رجع ومكلمش مسلم خالص
دياب كان هيتكلم بس ميادة قاطعته بصريخها وهي بټضرب علي صدرها
يا مصېبتي ايه اللي عمل فيك كده يا حازم
علي حازم عايزة تطمن عليه
يا ضنايا حصلك ايه بس مين اللي ضړبك
حازم اتنرفز جامد واندفع فيها
شيفاني عيل قدامك عشان حد يضربني!!
ميادة هدت من نبرتها وردت عليه بعفوية
حازم اتخنق اكتر ودخل أوضته وقفل علي نفسه كفاية سخافة لحد كده ووقف قدام المرايا ومسح وشه بمناديل وهو بيتوعد ل مسلم
هنشوف مين اللي هيندم التاني يا ابن العطار
مش فاهمة ازاي عمو سعيد يوافق علي حاجة زي دي انتي بترمي نفسك في الڼار انتي مش شايفة انتي ناوية علي إيه
علا ردت عليها بتلقائية
ودي حاجة تتقال برده يا رقية أنا حقيقي مش مصدقاكي
رقية ضحكت جامد وقامت وقفت
أنا هدخل اشوف مازن وانزل هيوحشني اوي
رقية دخلت بهدوء اوضة مازن بحذر وخرجت اتقابلت مع وليد وقفت قصاده پخوف قاطع سكوتهم سؤاله
رايحة فين
ها مش رايحة في حتة
وليد ضيق عيونه عليها باستغراب
مالك اتوترتي كده ليه أنا أقصد رايحة فين اقعدي اتعشي معانا
رقية سحبت نفس كبير واتكلمت بعد ما حست براحة
لأ أنا هتعشي مع بابا وماما الف هنا
رقية سابته ومشت بس وليد وقفها لما نادي عليها
رقية لفت له مستنية تعرف عايز منها ايه وهو كمل كلامه
لو سمحتي شيلي موضوع مهران
ده من دماغك أنا خاېف عليكي وانتي اعقل من أنك تعاندي في موضوع زي دا!!
رقية اتوترت تاني وردت عليه بعد سكوت طال لوقت
هاا اه طبعا هشيله من دماغي تصبح علي خير
جرت من قدامه وسط نظرات علا عليها عقلها عايز يقول لوليد عن اللي هتعمله خوفا عليها
سعيد دخل لرقية أوضتها كانت بتحضر حاجتها اللي هتحتاجها في المكان الجديد اللي هتعيش فيه سابت اللي في أيدها وبصلته بعيون بتلمع
متخافش عليا أنا هكون كويسة
سعيد قرب منها وعيونه فيها رفض لقرارها
مش هقدر مخافش عليكي انتي بنتي وحتة مني وده شئ طبيعي أنا مش عارف وافقتك ازاي بس انا عايزك تتعلمي وتكبري وفي نفس الوقت خاېف عليكي اوي ورافض انك تروحي المكان ده
وانا كمان خاېفة اوي يا بابا بس حبي لمساعدة فادية وأنها تاخد حقها من المجرمين دول مسيطر عليا وبيقويني اكتر صدقني أنا هكون كويسة بجد لما اشوفهم كلهم في السچن
سعيد مسح دموعه وحب يلطف الجو
بمناسبة سيرة فادية من بكرة لازم أدور علي واحدة تساعد والدتك عشان لما تعرف انك مشيتي هتقلب عليا فأنا افاجئها بواحدة جديدة تقوم ترضي عني
رقية ضحكت جامد وهو شاركها الضحك بحب تكمل تجهيز شنطها ..
جهزت نفسها وسابت شعرها متحرر من أي قيود وحطت عليه حجاب من غير ما تلفه كامل ولبست عباية لونها غامق ومشت ..
أخدت نفس كبير وهي واقفة علي أول ناصية المنطقة الشعبية يا تري هي كانت صح لما أخدت قرار كبير وخطېر زي ده ليه خاېفة دلوقتي حاسة أنها جبانة ومش هتقدر تكمل هي هتراجع عن قرارها واكيد هتلاقي حل تاني تساعد بيه منال ..
رجعت خطوة لورا بس صوت منال وقفها
راحة فين
رقية سحبت نفس وبصتلها كتير واتكلمت بتردد
ها لا كنت بتعرف علي المكان
لابسة ايه
منال هزت راسها باستنكار
ايه العباية دي ولابسة طرحة ليه اصلا وانتي مش محجبة
رقية فهمت قصدها وردت عليها بتلقائية
مش انتوا بتلبسوا كده
منال بصت لها بسخرية واندفعت فيها
انتوا هو احنا حاجة وانتوا حاجة
رقية اتكلمت بسرعة توضح وجهة نظرها
لا لا مش قصدي بس مش ده اللبس اللي المعروف في المناطق الشعبية برده
منال هزت راسها وضحكت بسخرية
اه ده في المناطق الشعبية اللي الافلام إنما إحنا زيكم عادي
رقية حست بإحراج من طريقة منال معاها وبصت في الأرض منال بصت
الشنط واتكملت بجمود
تعالي يلا قبل ما حد يشوفنا
سالتها ومشت ورقية شالت الشنط لوحدها كانت تقيلة جدا عليها ومنال محاولتش تساعدها كانت بتحطهم علي الأرض كل شوية لما تتعب وصلوا لبيت منال ودخلوا اوضتها رقية قعدت علي السرير بتعب
منال بصت لها وشاورت لها علي الأرض
فرشت لك الأرض نامي عليها للصبح وبعد كده نشوف الاوضة اللي هتأجريها ..
رقية اتفاجئت بكلام منال واتحرجت منها قامت قعدت علي الأرض بهدوء ومعرفتش تتكلم عليها وهي مش فاهمة سر عصبيتها بس اللي كان مسيطر عليها في الوقت ده هو الاحراج ..
بابا
سعيد رد عليها بقلق
وصلتي
رقية ردت عليه ونبرتها مليانة ندم
اه يا بابا متقلقش عليا بس لو سمحت أنا هرن عليك بعد كده اطمنك عليا عشان محدش ياخد باله مني
سعيد اتنهد بضيق نفسه يقولها ارجعي من خوفه عليها بس مش قادر يرجع في كلامه بعد فترة من السكوت أتكلم
خلي بالك علي نفسك لو حسيتي أن الموضوع كبير عليكي ارجعي يا رقية ومتتردديش أنا مش ناوي اخسرك يا
متابعة القراءة
